Item inden rechte voir meye(r) en(de) scepen(en) va(n) loven(en) sprack ane jacop de/ slootmake(r) woenen(de) inde borchstrate janne poelman wapemake(r) alse/ van eenen pantchiere amelrike den zwerte(r) toebehoe(re)nde dat/ de vors(creven) jacop seyde dat hij tot des vors(creven) jans poelmans huys hadde/ gebracht en(de) van hem begheerde gelev(er)t te hebben dairop/ de selve jan poelman hem inden rechte verantweerde ende/ ten uut(er)sten mits den eede die hij boet en(de) oppembairlic/ int recht dede was gewijst bijden he(re)n scep(enen) va(n) loven(en) t(er) manisse(n)/ smeyers dat hij der aensp(ra)ken des selfs jacops ongehoude(n)/ sijn soude cor(am) eisd(em)