It(em) tvo(n)nis vand(en) gedinge dat voir meye(r) en(de) scepen(en) van loven(en) geweest/ heeft tusscen janne de p(ri)nce en(de) ja(n)nese der moeyen sone jans als geleit/ tot [allen] den goeden [des vors(creven)] jans der moeyen [des] vaders des in deen sijde en(de) lodewike/ mercx voirspreke die nae beleit is tot den goede(n) des vors(creven) jans/ d(er) moeyen in dande(re) Alse vand(en) selve(n) goede(n) die de vors(creven) lod(ewijcken) aensprac/ seggen(de) datse he(m) en(de) sijne(n) scepen(en) brieve(n) sculd(ich) wae(re)n te volge(n) wa(n)t/ hij ten laste stonde voir de(n) vors(creven) ja(n)ne En(de) de vors(creven) jan der moeye(n)/ vluchtich wae(re) alsoe hij boot te thoene(n) oft de vors(creven) voirgeleidde soude(n)/ doen des d(aer) toe nader sat ordina(n)cie behoirde Vand(en) welke(n) de/ vors(creven) voirgeleidde hielde(n) de (contra)rie en(de) meynde(n) dat de vors(creven) lodewic/ merx sijn v(er)met ne(m)m(er)meer getoene(n) en soude co(n)ne(n) Hoopen(de) d(aer) bij/ dat hen en(de) hue(re)n scepen(en) brieve(n) de vors(creven) goede volge(n) soude(n) ende/ sculd(ich) wae(re)n te volge(n) Was gewijst met dese(n) woirde(n) nae/ aensp(ra)ke en(de) v(er)antw(er)de(n) va(n) beyde(n) p(ar)tie(n) d en(de) thoenisse des vors(creven)/ lod(ewijx) merx die sijns v(er)meets niet en volqua(m) dat de vors(creven)/ lodewijc met sijnd(er) aensprake(n) te vroech op wae(re) Cor(am) o(mn)ib(us)/ scabinis de(m)pto roelofs dec(embris) s(e)c(un)da