Cont zij allen lieden dat jacop van stertbeke cleermake(re) ende yde sijne/ werdynne in p(rese)ncia hebben gehuert en(de) bekint dat sij gehuert hebben teghen/ pete(re)n beyaert clerc en(de) janne beyaerd sone wilen mychiels als geleits totte(n)/ goede(n) arnts wilen beyaerds huers oems de stoove met der have(n) dair/ inne sijnde hier nae bescreve(n) en(de) den huyse voir aen strate en(de) ande(re)n/ toebehoirte(n) gelege(n) inde(n) wyerinc tussce(n) ja(n)ne willem(air) in deen sijde en(de)/ thuys d(er) vors(creven) geleidde dair jan de spoermake(re) inne te woene(n) plach op/ dande(re) comen(de) de vors(creven) stoove acht(er) tot opde dijle aldair te houde(n) ende/ te hebbe(n) van kersmisse lestleden eene(n) t(er)mijn va(n) vijf jae(re)n lanc deen nae/ dande(r) sond(er) middel v(er)volgen(de) elx jairs dae(re)nbinne(n) om en(de) voe(r) tweenvijftich/ gulde(n) hollan(sche) te xvi stuv(er)s voir dat(um) des briefs gemu(n)t Te wete(n) jairlix tvie(re)ndeel/ d(aer) af opde(n) xxiiii[te(n)] dach va(n) merte dand(er) vierdeel opde(n) xxiiii[te(n)] dach va(n) junio t(er)de/ vie(re)ndeel opde(n) xxiiii[te(n)] dach va(n) septembri en(de) tvierde vie(re)ndeel opde(n) xxiiii[te(n)] dach/ va(n) decembri te betale(n) de(n) vors(creven) pete(re)n quol(ibet) ass(ecutu)[m] en(de) alsoe voirt va(n) jae(re) te/ jae(re) den vors(creven) t(er)mijn due(re)nde Behoudelic dien datme(n) den vors(creven) gehuyssche(n) de/ vors(creven) twee naeste te(r)mijne beyde(n) sal tot s(en)[t] jansmisse bap(tis)[te(n)] naistcomen(de) It(em) es/ vorw(er)de dat de vors(creven) geleidde de vors(creven) huysinge houde(n) selen de(n) vorscr(even)/ t(er)mijn lanc due(re)nde op hue(re)n cost va(n) wande en(de) dake in redelich(eit) [sond(er) vord(er) gepra(m)pt te sijne] It(em) sulle(n)/ de vors(creven) gehuyssche de stoove binne(n) thue(re)n afsceiden late(n) wel gestelt van goede(n)/ kakelen en(de) nuwe(n) [planckiere(n)] want zij hen alsoe gelev(er)t sijn It(em) sulle(n) de selve gehuyssche/ thue(re)n afsceiden laten den verneys ketel xiii becken(en) ond(er) cleyn en(de) groet iiii/ cleyn ketelkens en(de) vorts de ande(re) have en(de) vliegenderve [van heden en(de) and(er)s] alsoe goet geprese(n)/ en(de) geschat bij gesworen(en) schatters op hue(re)n eed als hier na volcht Te/ wete(n) inden yerste(n) den vors(creven) verneys ketel op sesse gulde(n) rijd(ers) acht pl(a)c(ken)/ It(em) de vors(creven) xiii becken(en) wegen(de) tsame(n) drienegentich pont elc l(i)b(ra) op i(½) stuv(er)/ It(em) de vier cleyn ketelkens op ... g(ri)pe een gripe It(em) inde vrouwen came(re)/ sesse bedde(n) en(de) een sijdele op tweelf g(ri)pen It(em) den papegey twee bedde(n) een/ zijdele een baycuype [op] vijf gripe(n) It(em) de nuwe came(re) ii bedde(n) een baycuype/ eene(n) setel op iiii(½) g(ri)pe It(em) tstoefken ii bedde(n) eene zijdele iiii(½) g(ri)pe(n) It(em) marioens/ came(re) drie bedde(n) iiii g(ri)pen It(em) annens came(re) aende coken(en) drie bedde(n) een/ baycuype eene(n) setel drie qu[a]de cleerkens xvi g(ri)pe(n) It(em) de lyelie came(re)/ drie bedde(n) i sydele op x g(ri)pe(n) Ite(m) den valcke ii bedde(n) een sijdele op thien/ g(ri)pen It(em) den roesenhoet ii bedde(n) een sijdele eene(n) setel ii quade cleede(re)n ix/ g(ri)pen It(em) ts(er)toge(n) came(re) iii bedde(n) een sijdele xix g(ri)pen eene(n) gedraeyden setel/ ii scrijne(n) op xix g(ri)pe(n) Ite(m) den pau ii bedde(n) ii sijdele(n) twee quade cleede(re)n/ op xxii g(ri)pen It(em) de sterre vijf bedde(n) een sijdele x g(ri)pe(n) It(em) tcauken een bedde/ eene(n) setel ii g(ri)pen It(em) tcroenke(n) een bedde eene(n) setel op twee g(ri)pen Item/ / den wijng(ar)t twee bedde(n) een zijdele sesse g(ri)pen It(em) ts(en)t jorijs drie bedden/ op sesse g(ri)pen Item xlv oercussen(en) op v(½) g(ri)pen It(em) liii omslage/ op ix(½) g(ri)pen [Item xxiii paer slapelakene dair inne waren drie paer doerbreede op achthien gripen] Item twee scrijnen mette(n) planckiere vier waschcupe(n)/ twee derde cuypen drie dun drincpotte ii aschcuype(n) op ii g(ri)pen/ It(em) xxxvi wynde(n) en(de) xx hoykens van stroe op een g(ri)pe It(em)/ sulle(n) de selve gehuyssche te hue(re)n afsceide(n) late(n) ii yse(re)n gaffele(n)/ eene(n) yse(re)n haec een aschbecke(n) een coelvat een buydel kyste een/ scheppe en(de) tgerec vande(n) hove(n) want sij dat aldair vonde(n)/ It(em) sulle(n) sij den vors(creven) geleidde(n) betale(n) den tijt vande(n) vijfste(n) dach va(n)/ decembri tot kersmisse voirlede(n) nae gelande vand(er) so(m)men vors(creven) It(em) es/ te weten(e) dat elke d(er) vors(creven) g(ri)pen gerekent es voir xl pl(a)c(ken) braba(n)ts/ gelts It(em) bevondme(n) dat de vors(creven) goede geschat mette(n) geswoe(re)nen/ schatt(er)s als voe(r) ten afsceyden beter bevonde(n) we(re)n dat salme(n) den/ vors(creven) jacoppe oprichte(n) En(de) bevondme(n) dat sij arg(er) we(re)n en(de) niet/ soe hoghe geschat als voe(r) dat selen de selve gehuyssche(n) den vors(creven)/ geleidde(n) oprichte(n) en(de) betale(n) alsda(n) ter stont als v(er)reycte schout It(em)/ hebbe(n) de vors(creven) gehuyssche gelooft en(de) gelove(n) dat sij de(n) vors(creven) geleidde(n)/ gheen hynd(er) doen en selen noch late(n) gescien bij hen oft yeman(de)/ and(er)s met scepen(en) brieve(n) va(n) beleide va(n) loven(e) oft and(er)ssins noch gheen/b ande(re) beleide make(n) en selen die hen (contra)riere(n) souden moge(n) oft/ hynd(er)lic wese(n) in des vors(creven) steet in e(n)nig(er) manie(re)n hebbe(n) de selve/ gehuyssche voort gelooft dat sij tscatgelt aende schatt(er)s ten afsceide(n)/ alleene drage(n) selen op hue(re)n last want de vors(creven) geleidde dat alleene/ droegen doen den selve(n) gehuyssche(n) de vors(creven) have gelev(er)t was Ende/ alle dese vorweerde(n) etc(etera) witte colonia januarii ix