Item opten xi[ten] dach januarii a(nn)[o] lviii[o] hebben de wethoude(re)n der stat van/ bruessel in hue(re)r raitcame(re)n ten versueke gielis vand(er) beke en(de) o(m)me der wairh(eit)/ getuge te geve(n) geclaert en(de) gec(er)tificeert clause de keersmak(er) burg(er)meest(er)/ jacoppe uute(n) lyemi(n)gen scepen(en) en(de) arnoldo kyp secretair(is) der stad va(n) love(n)/ inde(n) name vanden selven steden dat doende en(de) aenhoe(re)nde dat h(er) everaert/ ridde(re) en(de) wencelijn t(er)scl ts(er)claus gebruede(re) en(de) met hen de momboirs vand(er)/ weduwe(n) he(re)n wencelijns wile(n) ts(er)claus gekend en(de) geleden hadde(n) voir/ hen wethoude(re)n voirs(creven) als voe(r) tgerichte vand(er) stat dat sij te same(n) opte/ goide die wae(re)n jonch(e)r henrix van scoenhove(n) en(de) nu toebehoirde(n) gielise/ vand(er) beke te molhem te save(n)then en(de) dair omtri(n)t gelege(n) tot opten tijt/ van nu voirtaen te hebben niet meer gehave(n) en hadden noch en yessche(n)/ voirtaen te hebben dan twintich mudde(n) corens tsjaers eens erflic en(de)/ dat sij dair mede te vreden wae(re)n en(de) dit es voirt bij ov(er)drage vanden rade/ bevole(n) den vors(creven) arnoldo t(er) memorie(n) te registre(re)n om p(ar)tie(n) d(aer) mede te behulpe(n)/ xxiiii januar(ii) a(nn)[o] lviii