It(em) niet tegenstaende d(er) t(er)minatie(n) bijder stat uutgesproke(n) en(de) ond(er) ons geregistreert/ staende febr(uarii) xxi lestlede(n) tusscen henrike de hollande(re) en(de) lijsbette(n) van dyoen/ sijne(n) wijve weduwe arnts wile(n) beyaerts in deen sijde ende pete(re)n beyaert/ met sijne(n) medeplichte(re)n geleit totten goeden des vors(creven) wilen arnts in dande(re)/ beg(ri)pende ond(er) dande(re) dat de vors(creven) p(ar)tie(n) te gelike de schout wilen arnts/ beyaerts verleggen soude(n) en(de) meer pointe (et)c(etera) Sijn wed(er) come(n) de vors(creven)/ geleidde opde(n) dach van hede(n) voir den raide vand(er) stat clagen(de) dat de vors(creven)/ henric hen hadde doen dage(n) opde hoeto(m)me van merdal voir seke(re) schout/ die arnt wijle(n) beyaert vors(creven) sculd(ich) was bleve(n) van houte op m(er)dal gecocht/ den rintmeest(er) tshe(re)n van croy nochta(n) dat de selve geleidde den selve(n) rintm(eeste)r/ acht(er)volgen(de) der voirs(creven) t(er)minatie(n) van hue(re)r helicht begonne(n) hadden te betale(n)/ en(de) bij nae betaelt dair de vors(creven) henric de hollande(re) alrehande reden(en) toe/ zeyde en(de) alligeerde meynen(de) dair met voirt te va(r)en Soe was op heden/ overdragen bijden raide vand(er) stat nae dat de vors(creven) rintmeest(er) gehoirt/ w(er)t en(de) nae reden(en) van beyden p(ar)tien dat de voirs(creven) henric de hollandere/ afdoen soude volcomelic en(de) alte male des hij inder mate(n) als vo(r)e opde vors(creven)/ geleidde of hue(re)n voerma(n) begonne(n) hadde(n) op m(er)dal te vorde(re)n en(de) dat p(ar)tie(n)/ de voirste t(er)minacie soude(n) acht(er)volge(n) Ende alse vanden mesg(ri)pe des voirs(creven)/ henrix in desen taste hij den bug(er)meest(er) inde hant Geloven(de) d(aer) af te bete(re)n/ nae der stat t(er)minacie en(de) mett(er) sonnen op morgen ind(er) vroenten te come(n)/ Act(um) cor(am) coucker(oul) burg(imagistr)[o] et plu(r)ibus aliis de (con)silio m(ar)cii vii