Item gort van e(re)nboudeghem gorijs knoeps jan rape en(de) jan van/ landen(en) als late des heerscaps van bout(er)shem tot putte inde/ prochie van holsbeke hebben getuyght oppenbairlic dat zij d(aer)/ bij en(de) aengeweest hebben dair henric de hertoghe en(de) lijsbeth/ vander veken(en) zijn wijf opgedraghen hebben met wettigher/ verthidenissen een huys en(de) hof metten eeusele bogarde en(de)/ allen den toebehoerten gelijc dat gelegen is te putte vors(creven) tusschen/ lijsbetten vand(er) porten en(de) gort van landen(en) en(de) gelijc men dat/ ten erfrechte houden(de) is vanden heerscape van bout(er)shem vors(creven)/ En(de) de vors(creven) gehuyssche d(aer) uut gedaen Soe es d(aer) inne gegoet en(de)/ geerft katlijne de herttoghe wettighe dochter d(er) vors(creven) gehuyssche(n)/ te voren uuten broede d(er) selver met behoerliker manie(re)n gedae(n) p(er) mo(nitionem)/ Thuygen(de) noch dat deselve henric en(de) sijn wijf d(er) vors(creven) katlijnen/ der dochter overgegeven hebben alle de haeflike goede ende/ vliegen(de) erve die zij van hen selfs weghen oft oic van wege(n)/ der selver katlijne(n) die zij met hue(re)r pijnen en(de) arbeyde v(er)crege(n)/ mach hebben besitten(de) oft hantplichten(de) moegen zijn Met alsulk(er)/ condicien dat de vors(creven) katlijne sculdich sal zijn jairlix wel en(de)/ wettelic te betalen alle den co(m)mer uut den vors(creven) goeden gaende/ En(de) dat sij hue(re)n vad(er) en(de) moeder hue(re)r beyder leefdage lanc houde(n)/ sal wel en(de) themelic van eten drincken cleede(re)n en(de) ande(re)n behoeften/ na hue(re)n staet Ende oft de vors(creven) katlijne aflivich wordde voir e(n)nich/ van vader en(de) moeder zoe zullen sij oft deen van hen van hue(re)n/ goeden bliven op dlantrecht en(de) zullen dese vorweerden alsdan te nyeute/ en(de) van onweerden zijn Ende wart dat nade doot vanden/ lesten leven(de) van vader en(de) moed(er) dande(re) kynde(re) zuste(re) en(de) brued(er) der/ vors(creven) katlijnen int vors(creven) erve deylen woude(n) soe zullen de ghene/ die also deylen willen der vors(creven) katlijne(n) gheven voir alle deylinge/ twelf rijd(er)s eens Nochtan sal de selve ka(tlij)[ne] de hande dair/ aen bliven houden(de) een jair lanc due(re)nde en(de) dan mede hoechgelic/ int vors(creven) erve deylen Quiquid(em) quod faciu(n)t witte colonia maii xxi