Item want jan vanden eembroeke als geleit totten goeden diericx/ geheten diedericx sone wilen henricx op heden hadde doen inne/ scriven de weduwe henricx wilen wynt(er)s om dat zij hadde doen/ raste(re)n div(er)se haeflike goede ond(er) den meye(r) va(n) cumptich te/ boensbeke voir schout die zij den vors(creven) diericke eysschen(de) was/ En(de) de selve weduwe noch nieman(de) and(er)s die totter/ selver have(n) he(m) rechts hadde willen vermeten niet come(n)/ en es Soe hebben de vo(n)nissen der he(re)n scepen(en) van/ loven(e) ter manissen smeyers gewesen datmen den vors(creven)/ janne houden sal inde macht van sijne(n) vors(creven) beleide/ soe verre dat noch voir hen come(n) is Cor(am) o(mn)ibus/ dempt(is) roel(ofs) lyemi(n)gen ja(nuarii) xxvii