Vander aensprake(n) die henric va(n) breetzijp dieme(n) heet/ vanden putte va(n) oest(er)hem gedaen heeft tot janne goedesoene/ alse va(n) eene(n) vierdel wijngarts geleg(en) op roesselberch dat/ de selve henric jegen den voers(creven) janne gecocht heeft alsoe/ hij boot te thoene(n) om xviii r(ijnsche) gulden(en) en(de) xiiii st(uvers) deen/ helicht te kersmisse dat leden es en(de) dand(er) helicht te/ kersmisse dair nae volgen(de) daer he(m) de selve ja(n) goede/ soene geloifde goede guedinge uute(n) beleyde te doen en(de)/ dat dair noch uut noch inne gesproke(n) en was wie
//
den last dair af dragen soude dat boet de voers(creven) henr(ic)/ te thoenen Hopende wair hijt gethoene(n) conste dat de/ voers(creven) jan goedesoene gehoude(n) sijn soude hem vander/ voers(creven) comenscap vesticheit te doene ende dierste/ paye op te leggen en(de) vander ande payen p(rese)nteerde/ hij alsulke(n) vestich(eit) dat billike(n) genouch zij Hopende/ dair mede te gestane op dwelck de voers(creven) jan/ hem v(er)antw(er)dende ontkinde de voers(creven) comenscap/ en(de) bracht inne alrehande reden(en) luttel he(m) oft niet/ dienende Alsoe dat ten uut(er)sten den voers(creven) henric/ tot zijnder wairheit gewijst die volcomelijc thoende/ alle tghene des voers(creven) es En(de) alsoe was ten uut(er)ste(n) / gewijst bijde(n) he(re)n scepen(en) va(n) loven(en) t(er) manisse(n) smeyers/ nae aensprake verantwerden en(de) thoenisse des voers(creven)/ henricx dat p(ar)tien malcande(re)n voldoen sulle(n) nae dat/ de wairheit gedrage(n) heeft cor(am) om(n)ib[(us)] scab(inis) in sca(m)pno/ januar(ii) ulti(m)a/