Item vanden stoote die geweest is tusschen joese en(de) pete(re)n beyart gebrued(er)s / sone jans wilen beyart meest(er) janne van beringen [renunc(ians)] als man en(de) momboir/ barbelen beyart zijns wijfs sust(er) d(er) vors(creven) gebrued(er)s die hij h(ier) inne vervanct/ en(de) arnt vand(er) horst inden name va(n) hem selve(n) ende den kinde(re)n die hij/ heeft va(n) margriete(n) wijle(n) beyaert suster des voers(creven) peters joes en(de) / barbele(n) die hij hier inne vervanght in deen zijde en(de) jan van/ beerge met a(n)nen vande(n) houte weduwe jans wijle(n) beyaert brueder/ der voers(creven) gebruede(re)n en(de) zuster zijne(n) wive in dande(re) om der erfgoede(n)/ wille en(de) oic have en(de) vliegen(de) erve gebleve(n) acht(er) de doot des voers(creven) / wijle(n) jans [beyart annes ma(n) vors(creven)] die hij met zijne(n) wive voers(creven) v(er)crege(n) mocht hebbe(n) en(de) / den erfgoeden die bleve(n) en(de) verstorve(n) zijn van vader en(de) moeder/ des voers(creven) peters joes barbele(n) [wilen] jans en(de) wijle(n) m(ar)griete(n) met gaders/ den erfgoede(n) have ende vliegen(de) erve die oic bleve(n) zijn nae doot/ aerts wijle(n) beyaerts huers oems en(de) [des] dien aencleve(n) mach Sijn beyde/ de voers(creven) p(ar)tien bij middele va(n) hue(re)n magen en(de) vrinde(n) eensworden en(de) / v(er)accordert der poentte(n) hier nae volgende die zij malcande(re)n geloeft/ hebbe(n) voer hen hue(re)n erve(n) en(de) nacomelinge(n) tonderhoude(n) gelijc hier/ nae volght Te weten inden yerste(n) dat den voers(creven) janne va(n) beerge met
//
zijne(n) wive voers(creven) volgen sal alle de v(er)cregen(en) goede die de voers(creven) / wijle(n) jan met zijne(n) wive voers(creven) vercrege(n) heeft met gaders den/ vliegen(de) erve die hij hebbe(n) mach va(n) wegen des voers(creven) wijle(n) jans/ beyaert en(de) margriete(n) sijns wijfs vader en(de) moeder der voers(creven) / p(er)sone om zijne(n) vryen wille daer met te doene En(de) ter/ ander zijde(n) sijn zij ov(er)come(n) dat den voers(creven) pete(re)n met zijnen/ medeplichte(re)n volgen sal voer hen hue(re)n erve(n) en(de) nacomelinge(n) / eene(n) yegelike(n) va(n) alsoe verre hij dair inne gericht mach zijn de/ erfgoede vliegen(de) erve ende have die den selve(n) bleve(n) ende/ verstorve(n) mogen zijn nae de doot des voers(creven) wijlen jans ende/ margriete(n) sijns wijfs vader ende moeder der voers(creven) p(er)soene/ beyaerts om hue(re)n p(ro)pre(n) wille daer met te doene Item sal/ voert den selve(n) pete(re)n en(de) joese volgen eene(n) yegelike(n) va(n) [hen] alsoe/ verre hij dair inne oic gericht mach zijn alle derfgoede vliegen(de) / erve ende have die bleve(n) zijn nae doot aerts wijle(n) beyaerts/ voers(creven) sonder den voers(creven) janne va(n) beerge oft zijn wijf oft nacomeli(n)ge(n) / dair inne gericht te zijne nu oft in nacomen(de) tijde(n) in e(n)niger/ manie(re)n niet wederstaende dat de voers(creven) jan va(n) beerge [en(de) zijn wijf] meynde(n)t/ dair inne actie te hebbe(n) midts den testamente dat de voers(creven) / wijlen jan beyaert jans va(n) beerge voersete gemaict hadde [oft and(er)sins] dwelc/ midts desen versmelt en(de) te nyeute gheet soe verre den voers(creven) / p(er)soene(n) aengaet ende midts desen sal de voers(creven) pet(er) beyaert eene(n) / scoutbrief hem bekint bijde(n) voers(creven) wijle(n) janne zijne(n) brueder te/ nyeute doen en(de) a(n)nichile(re)n Behalve(n) dat dair mede te nyeute/ zijn sal en(de) v(er)smelten alle alsulke(n) eysschinge van scout oft anders/ als de voers(creven) jan va(n) beerge oft zijn wijf den voers(creven) pete(re)n bethien(de)/ oft eysschen(de) mogen zijn het wae(re) mette(n) [vors(creven)] testamente oft and(er)sins/ in wat manie(re)n dat wae(re) Ende hier met sulle(n) de voers(creven) / p(ar)tien va(n) malcande(re)n v(er)eenicht en(de) beslicht zijn tot eeuwigen/ dagen va(n) alle(n) zake(n) tussche(n) hen uutstaende totte(n) dage toe van/ heden en(de) hebbe(n) geloeft malcande(re)n behoirlike quitancie te geve(n) / voer scepen(en) va(n) loven(en) t(er) manisse(n) des anders va(n) alle(n) zake(n) opp(endorp) / cockeroul febr(uarii) xii/