It(em) philips van scoenhove(n) wettich sone jonch(e)r henr(ic) van scoenhove(n) die/ int jaer xiiii[c] lvi xvi dage in junio bijde(n) geleydden tot de(n) goeden/ stevens vanden poele gegoet was in een steyne(n)huys met den grechts/ valbruggen en(de) anderen toebehoirte(n) dat den voirs(creven) va(n) scoenhove(n) toe te/ behoiren plach te woeluwe gelegen van welker guedingen steve(n) vand(en)/ poele den voirs(creven) ph(ilip)s va(n) scoenhove(n) waerscap geloofde alsoe de brieve/ hier af zijnde uutwisen Ende om deswille dat meester jan adriaen/ vand(er) ee de voirs(creven) goede met meer anderen aldair gelege(n) jege(n) de(n)/ voirs(creven) van scoenhoven gecrege(n) heeft ende de voirs(creven) ph(ilip)s van scoenhove(n)/ die dwaerscap des voirs(creven) stevens met rechte ov(er)gegeven heeft met/ der guedinge(n) voirs(creven) dair om eist dat de selve meest(er) adriaen gekint/ heeft de selve guedinge en(de) waerscap vanden voirs(creven) ph(ilips)e ontfange(n)/ te hebben Te dien eynde oft de selve ph(ilip)s oft zijn nacomel(ingen) die/ voirt den voirs(creven) meest(er) adriane met zijne(n) bruedere(n) waerscap gelooft/ heeft uut ocsuyne der selver gepraemt worde dat hij en(de) zijn na/ comelinge(n) dan de voirs(creven) brieve den voirs(creven) ph(ilips)e va(n) scoenhove(n) ende/ zijne(n) nacomelinge(n) sculdich sele(n) sijn te baten te bringen en(de) hen d(aer) mede/ inden rechte te behulpen opp(endorp) wijtvliet dec(embris) q(ua)rta/