Item also als wouter vynck rentmeester tslants van arscot en(de) van/ birbeke die in rastemente onlanx hadde doen doen zeke(re) rente(n) / die andries wilen thomaes voirtijts hadde ond(er) zijnen ambachte/ om deswille dat hij meynde dat de vors(creven) andries natuerlic/ sond(er) wettige geborte achter te laten gestorven was onlanx mett(er) / stat brieven bescreven was de selve renten tontslane ende/ den momboe(re)n en(de) meesterssen vand(en) groeten beghijnhove/ te loven(e) die te laten volgen want zij inde selve renten/ van henricke boelart geleit ind(en) leven(de) live des voirs(creven) / andries gegoet en(de) geerft wae(re)n ten orbe(re) van zeke(re) messen/ bijden vors(creven) wilen andriese ind(er) kercken vand(en) vors(creven) beghijn/ hove gefundert oft op heden bijd(er) stat raide te comen dair/ hij quam en(de) nochtan niet en meynde zonder and(er) bevel/ van sijnen heerscape te hebben de selve renten tontslane/ want hij hielt datse den selven zijnen heerscape als/ bastarde(n) goet wae(re)n gesuccedeert Vanden welcken de vors(creven)/ momboirs mits machte d(er) vors(creven) guedingen hyelden de/ contrarie versueken(de) den vors(creven) rentmeest(er) totten vors(creven) ontslage/ behoirlic te worden bedwongen So wert hier op na reden(en)/ van p(ar)tien ov(er)dragen en(de) get(er)mijneert bijden raide vander/ stat met vollen gevolghe dat de vors(creven) rentmeester/ de vors(creven) renten ontsla soude om ten orbe(re) also de guedinge/ begrijpt bekeert te worden Bij also hadde de rentmeest(er)/ de selve renten aentespreken mits der reden(en) vors(creven) oft/ and(er)s dat hij dat dade voir meye(r) en(de) scepen(en) va(n) lov(en) dair/ de kynnesse vand(en) vors(creven) scep(enen) br(ieve) behoirt en(de) nergere p(rese)ntib(us) / lyemi(n)gen willem(air) burgim(a)g(ist)ris et plurib(us) aliis febr(uarii) xiii/