Cond zij allen lieden dat pasche do(m)martin in p(rese)ncia heeft genome(n) ende/ bekint dat hij genome(n) heeft van he(re)n jacoppe rottarij en(de) he(re)n jacoppe chevalet/ cano(n)nicken der kerken van s(in)te b(er)telmeeus te luydic van wege(n) der selver/ alle alsulke(n) goede(n) rente(n) thiende(n) wynnen(de) lande(n) chijse cap(uyne) en(de) rente(n)/ gehete(n) muos en(de) vyntens also v(er)re als jan malcorps jan de liege en(de)/ dieric van sprolant voe(r) en(de) de voirs(creven) pascherte na gehoude(n) hebben/ met eene(n) hove en(de) huysinge(n) d(aer) op staende te lijshe(m) bijd(er) fontayne(n) ald(aer)/ Te houde(n) te hebben en(de) te wynne(n) [te wete(n) de voirs(creven) lande en(de) chijs] van halfmerte lestleden eene(n)/ t(er)mijn va(n) xii jare(n) lang v(er)volgende elx jaers d(aer)enbinne(n) en(de) de voirs(creven)/ thiende van s(in)t jans(misse) baptiste(n) naestcomen(de) de(n) selve(n) t(er)mijn dueren(de)/ om en(de) voe(r) driehondert en(de) veertich m(ud)[de] spelte(n) goet en(de) cusber/ mate en(de) pacht va(n) luydick op ii d(eniere) na de(n) beste(n) des gemeyns/ marcts va(n) luydick tsinte andriesmisse apostels te vallen en(de) tons(er)/ liever vrouwe(n) daige liechtmisse te betalen en(de) te luydic op de(n) grenier/ d(er) cap(it)len voirs(creven) te leve(re)n oft elswair dairt der voirs(creven) cap(it)len binne(n)/ luydic gelieven sal op cost en(de) last des voirs(creven) wynne(n) Te weten/ uut(er) voirs(creven) thienden groot ende cleyne hondert ende veertich mudde/ spelten d(aer) af en(de) voir de voirs(creven) wynnende lande tachtentich m(ud)[de]/ spelten dair af en(de) voir dand(er) goede ende renten voirs(creven) c en(de)/ xx m(ud)[d(en)] spelten dair af alle jare de(n) voirs(creven) t(er)mijn duerende/ quol(ibet) ass(ecutu)[m] It(em) sal noch de voirs(creven) wy(n)ne betalen alle jae(re)/ de(n) voirs(creven) t(er)mijn duerende d(er) voirs(creven) cap(it)len tachtentich cap(uyne)/ in pluyme(n) te kersmisse en(de) op de(n) voirs(creven) grenier te luydick/ leve(re)n It(em) sal oec de voirs(creven) wy(n)ne elcx jaers d(er) voirs(creven)/ cap(it)len betalen en(de) te luydic leve(re)n iiii grote ponde(n) was/ luydicx gewichte met xx scellinge(n) goets gelts en(de) oec voir/ iii ame(n) wijns xii rijnsche guld(en) It(em) sal de voirs(creven) wy(n)ne/ d(er) voirs(creven) cap(it)len betalen binne(n) de(n) voirs(creven) t(er)mijne voir iiii/ ame(n) r(ijnsch) wijns xxiiii r(ijnsch) guld(en) d(aer) af dat deen ame betaelt/ is te(n) ingane zijns voirs(creven) t(er)mijns en(de) dand(er) drie ame(n) dats/ te wete(n) sesse r(ijnsch) guld(en) d(aer) af te(n) ingane vande(n) vierde(n) jare/ vande(n) voirs(creven) t(er)mijne en(de) sesse r(ijnsch) guld(en) d(aer) af te(n) ingane vand(en)/ vii[te(n)] jare vande(n) selve(n) t(er)mijne en(de) sesse r(ijnsch) guld(en) d(aer)af te(n)/ ingane vande(n) x[te(n)] jare alle jae(re) te(n) t(er)mijne va(n) licht[ts(in)t ja(n)s]misse voirs(creven)/ quol(ibet) ass(ecutu)[m] It(em) sal de voirs(creven) wynne de voirs(creven) lande wel en(de) loflijc/ wynne(n) en(de) bedrive(n) gelijc zijne(n) reengenoten boven en(de) beneden
//
en(de) die binne(n) zijne(n) t(er)mijne tweew(er)ff ov(er)mesten en(de) allet stroo/ vande(n) voirs(creven) goede(n) en(de) thiende(n) comen(de) slijte(n) te meste make(n)/ en(de) op dlant vande(n) voirs(creven) hove vuere(n) tslants meeste(n) p(ro)ffite/ It(em) sal de voirs(creven) wy(n)ne de huysinge(n) vande(n) voirs(creven) hove/ wel en(de) loflijc houde(n) van wande en(de) van dake en(de) jaerlix/ leve(re)n v[c] walmere(n) om die opde voirs(creven) huysinge(n) te v(er)decken En(de)/ oft hij e(n)nich jaer liet v(er)striken dat hijt dan op dand(er) jaer/ d(aer) naest sculdich sal zijn te doen It(em) sal de voirs(creven) wy(n)ne/ sculd(ich) zijn twee he(re)n vand(er) cap(it)len met hue(re)n p(er)de(n) en(de) ii/ knechte(n) alle jae(re) alst hen gelieft tontfane te zijne(n) huys/ op zijne(n) cost uutgesceyden van wijne [en(de) dat] ii dage duerende om/ der voirs(creven) cap(it)len goede ald(aer) te visentere(n) It(em) en sal de voirs(creven)/ wy(n)ne de voirs(creven) goede nyeman(ne) moege(n) deylen noch voirt uut/ gheven sond(er) consent d(er) voirs(creven) cap(it)len It(em) en sal oec de selve/ wynne d(er) voirs(creven) cap(it)len gheen coste(n) va(n) v(er)volge va(n) chise oft/ rente(n) d(er) voirs(creven) cap(it)len moegen rekene(n) dan alleene va(n) tgene/ d(aer)af dat hij tot behoef d(er) selver cap(it)len den ond(er)pant/ vande(n) chijse uutwynnen sal It(em) is vorwerde waert/ dat teniger tijt gebrec ware inde(n) voirs(creven) wynne van te/ voldoene de poente(n) voirs(creven) oft e(n)nige d(aer)af en(de) zij d(aer)om/ meer v(er)volchs moesten doen van innesc(ri)ve(n) oft and(er)ssins/meer dan eens des jaers dat de voirs(creven) wynne den/ selve(n) he(re)n oplegge(n) sal alle coste(n) van rechte en(de) ande(re) die/ zij d(aer)om doen selen het ware(n) coste(n) van rechte oft ande(re)/ It(em) sal de voirs(creven) wynne te(n) oechste na zijne(n) leste(n) jare te/ hemw(er)ts trecken en(de) hebbe(n) alle de vruchte(n) vande(n) goede(n)/ die hij besaeyt en(de) bevrucht sal hebbe(n) va(n) merte tot sint/ jansmisse voir die(n) oechst voirs(creven) Des sal hij d(aer)voe(r) betalen/[de tweedeele van] lxxx m(ud)[de] spelte(n) v stier en(de) ii derdedeele van i vate spelte(n)/ en(de) leve(re)n als voe(r) Behoudelijc dat alle dwynt(er)stroe d(aer)/ af alsdan late(n) sal int voirs(creven) hoff It(em) hij sal late(n) de brake/ op twee voren It(em) is noch vorwerde waert also dat/ die vande(n) dorpe van lijshem woude(n) segge(n) dat zij sculdich/ ware(n) te hebben dese voirs(creven) pechtinge [vand(er) coulture(n) oft anderssins] ov(er)medts e(n)nige(n) reden(en)/ hen d(aer) toe dienen(de) en(de) zij hens v(er)mets d(aer)af volquame(n) dat in/ dien gevalle de voirs(creven) cap(it)le(n) en(de) dese he(re)n voirs(creven) d(aer)af selen/ ongepraemt zijn en(de) blive(n) vande(n) voirs(creven) wynne des(er) pechtinge(n)/ niet jege(n)staende Ende alle dese vorwerde(n) (et)c(etera) na costume(n) en(de) us(aigen)/ d(er) se(cun)darie(n) kercke(n) va(n) luyd(ic) witte lye(ming)[en] ap(ri)lis xxii/