Item henric busscop jans sone woenen(de) te rode gegoet sijnde van/ arnde bokel voir hoff en(de) hee(re) in zeker goede dair gort hanckart/ toe geleit is gelegen te rode Van welcken goeden de selve/ henric bekint na begrijp sijnd(er) coepmanscap sculdich te wesen en(de)/ onder te hebben viii rijders Es bevolen bij beide den burg(er)meest(er)s/ vand(er) stat van loven(e) dat hij tselve ghelt nieman(t) over en gheve/ de vors(creven) gort ter eend(er) en(de) de vors(creven) arnt bokel oft de ghene/ die recht inde voirs(creven) vercochte goede souden meynen te/ hebben ter ande(re) en sijn beslicht metter mynnen oft/ metten rechte voir meye(r) en(de) scepen(en) van loven(e) oft voir/ den raide vand(er) stat Dwelc de selve henric alsoe voir/ de selve burg(er)meeste(re)n gelooft heeft te onderhouden cor(am)/ roelants cock(eroul) burgim(a)g(ist)ris junii v