It(em) jan opden berch rintmeester des edelen en(de) jonch(e)r(e)n jacops greve van salmen hee(re)/ van rotselair (et)c(etera) als geleid tot den goeden have en(de) erve mits machte van scepen(en) brieve(n)/ van loeven(en) des voirs(creven) jonch(e)r jacops in p(rese)ncia heeft gekint en(de) gelijd oppenbairlic/ gehave(n) te hebbe(n) en(de) ontfanghe(n) vand(en) edele(n) en(de) mogenden jonch(e)r janne greve van/ nassouwen tsarrenbrugge(n) hee(re) te heynsberghe te leeuwenberghe te diest en(de) te/ zichen(en) (et)c(etera) en(de) dat bij handen mathijs van rode rintmeest(er)s des voirs(creven) jonch(e)r/ jans inden lande van diest de helicht van hondert xli r(ijnsch) gul(den) eene(n) stuv(er) en(de) vi mite(n)/ van dien ii[c] lv(½) r(ijnsch) gul(den) eene(n) st(uver) en(de) vi mite(n) erflijc die de voirs(creven) jonch(e)r jacop/ en(de) jouffr(ouwe) magriete roelants weduwe joes wijlen absoloens jairlijcx en(de) erflijcx/ heffen(de) sijn opde goede chijse en(de) pachte des voirs(creven) jonch(e)r jans bescreve(n) in seke(re)n/ scepen(en) brieve(n) van loven(en) dair op gemaict te twee t(er)mijne(n) Te weten(e) deen helicht/ te bamisse en(de) dand(er) helicht te paesschen ende dit vand(en) t(er)mijne van bamisse/ lestleden Bekinnen(de) hem de voirs(creven) jan opden berch als voe(r) vand(en) voirs(creven) t(er)mijne/ helicht van hond(er)t xli r(ijnsch) gul(den) eene(n) stuve(re) en(de) vi mite(n) te bamisse lestlede(n) gevalle(n)/ volcomelic genoech gedaen en(de) wael betailt Scelden(de) volcomelic dair af/ quite den voirs(creven) jonch(e)r janne sijne(n) rintmeest(er) voirs(creven) en(de) alle ande(re) dient/ aengaen mach Gelovende hier af recht warant te sijne tegen eene(n) yegelike(n)/ cor(am) roelofs colonia decembr(is) xxix
//