Want goird hanckairt als geleid na des(er) stad recht voir zeke(re) wettelike ende/ dueghdelike schult tot allen den goeden beyde have en(de) erve goirds vele sone/ wijlen gielis van oerbeke opden dach van heden hadde doen bescriven ende/ dach doen metter stad brieve goirde pasteel jans sone janne en(de) reeren wigg(er)s/ en(de) henne(n) knape met sijne(n) medeplichte(re)n die den vors(creven) geleidde(n) vand(en) vors(creven) goide(n)/ ongebruyc dede(n) aen een stuc erfs d(aer) een woeni(n)ge op te staen plach houden(de) een/ dach(mael) oft d(aer) omtri(n)t geleg(en) te nurode tussce(n) de strate in beyde(n) sijde(n) en(de) reyne(re)n/ wigger opde derde zijde It(em) den selve(n) goirde pasteel die van weyhue(re)n vande(n)/ vors(creven) erve van vier jae(re)n sculdich es alle jae(re) xvi st(uvers) t(er) goed(er) rekeni(n)ge(n) val(ens) iiii/ hollan(sche) gul(den) It(em) den vors(creven) janne en(de) ree(re)n wiggers aenveert en(de) te henw(er)ts/ getoge(n) hebben de steene en(de) thoutwerck vand(en) gevallen(en) huyse dat op tvors(creven)/ erve te staen plach en(de) dmest dat inde messye ald(aer) was Item den voirs(creven) he(n)nen/ de knape met sijne(n) medeplichte(re)n die aenveert en(de) te hemw(er)ts getoge(n) heeft/ dooft vand(en) vors(creven) erve vier jair lanck It(em) henrike thijs die van eene(n) dach(mael)/ lants geleg(en) tusscen janne wittweve(re) en(de) janne goirdts van sculdich es van/ vier jae(re)n elx jairs vijf mol(evate) rox val(ens) xx mol(evate) rox It(em) en(de) desgelix heeft/ de selve geleidde ind(er) manie(re)n vors(creven) doen bescrive(n) en(de) dach doen den vors(creven) goirde/ vele die hem ongebruyc doet aen een dach(mael) lants geleg(en) te nurode opde(n)/ driesch tusscen janne goirts goide en(de) lijbette(n) van oeckele Tot welken dage/ de vors(creven) p(er)sone(n) niet comen en zijn noch gheen van hen alhier te rechte/ gecomp(ar)eert en is Soe hebben de he(re)n scepen(en) van loven(en) ter manissen/ smeyers gewijst voir een vo(n)nisse datmen den voirs(creven) geleidden vandes/ vors(creven) steet houden sal inde macht van sijne(n) vors(creven) beleide alsoe v(er)re alst/ noch voir hen comen is cor(am) eisd(em)