It(em) es vorweerde dat de voirs(creven) matheeus den voirs(creven) janne den/ jonghen sal lee(re)n pijpen om te dyenen e(n)nigen steden oft he(re)n ende/ soe wa(n)neer de selve jan alsoe vele geleert sal hebben dat hij d(aer) mede/ dienst gec(ri)gen sal hebben hem jairlix w(er)t sijnde bove(n) tweelf pet(er)s/ en(de) niet d(aer) onder en(de) dien dienst gehadt een half jair Soe sal de/ voirs(creven) matheeus voir sijne(n) arbeyt hebbe(n) en(de) uut machte vanden/ vors(creven) brieve v(er)halen tweelf pet(er)s eens te xviii st(uvers) tstuc en(de) niet/ meer Ende w(er)t alsoe dat de vors(creven) jan als hij dienst gecregen/ sal hebben hem alsoe vele w(er)t sijnde als voe(r) en(de) hij nochtan dien/ liete oft v(er)buerde soe sullen nochtan de voirs(creven) tweelf pet(er)s binne(n)/ den halve(n) jae(r) nae dat hij den dienst dienst aenveerdt hadde ver/ schene(n) sijn Voirtmeer es ond(er)sproken wairt soe dat de vors(creven) matheeus/ begh(er)ende betalinge seggen woude naemaels dat de voirs(creven) jan dienst/ hadde opde manie(re) vors(creven) en(de) ment hem ontkinne(n) woude datme(n) dan/ eene(n) bode derw(er)t schicken sal om de wairheit te weten En(de) soe/ wie vand(en) p(ar)tien ongelijc heeft die sal dien cost ghelden en(de) algad(er)/ sond(er) arghelist eisd(em)