It(em) arnd van eycke sone wijlen jans jan ty(m)merman sone pet(er)s ty(m)m(er)ma(n)/ goird scrijnmake(r) sone wijlen goirts en(de) jan leeman sone jans alle/ woenen(de) te werchte(r) in p(rese)ncia hebben gehuert en(de) bekint dat zij gehuert/ hebben tegen den voirs(creven) beempt proefst twee eeussele den voirscr(even)/ goidshuyse toebehoiren(de) beyde geleg(en) inde voirs(creven) prochie van werchte(r)/ deen geheeten dned(er)ste nuweeeussel alsoe verre nijs laukens dat/ tot noch toe vand(en) vors(creven) goidshuyse gehoud(en) heeft en(de) dand(er) geheete(n)/ tcoeeeussel alsoe v(er)re dat jan vand(en) velde en(de) jan de bruyne tot noch
//
toe gehouden hebben en(de) niet voirde(r) Te houden en(de) te hebben/ van halfm(er)te naistcomen(de) eene(n) t(er)mijn van neghen jae(re)n lanc due(re)nde/ deen na dande(r) sonder middel volgen(de) elx jaers dae(re)nbynne(n) Te/ weten tvoirs(creven) nuwe eeussel om en(de) voe(r) drienveertich crone(n)/ d(er) mu(n)ten sconi(n)cx van vranckr(ike) te xxiiii st(uvers) tstuc en(de) tvoirs(creven)/ coe eeussel om en(de) voe(r) achten(de)veertich gelike crone(n) ind(en) weerde(n)/ vors(creven) deen helicht d(aer) af te kersmisse en(de) dand(er) helicht ts(in)[t] jansmisse/ bap(tis)[te(n)] jairlix te betalen den voirs(creven) proefst des vors(creven) goidsh(uys)/ ten tide sijnde d(aer) af dierste betalinghe sijn sal vand(en) yerst(er)/ helicht vors(creven) te kersmisse naistcomen(de) en(de) vand(en) and(er) helicht te/ s(in)[t] jansmisse d(aer) naest volgen(de) en(de) alsoe voirt alle jae(re) half/ te kersmisse en(de) half ts(in)[t] jansmisse bap(tis)[te(n)] den vors(creven) t(er)mijn due(re)nde/ quolib(et) ass(ecutu)[m] Met vorweerden dat de vors(creven) huerlinghe tvors(creven)/ ned(er)ste nuweeeussel hue(re)n vors(creven) t(er)mijn due(re)nde houden selen/ omgaens op halven vrede en(de) tvors(creven) coe eeussel gelic dat/ tot heer toe gehouden es geweest Es noch vorweerde dat/ dier voirs(creven) huerlinghe beide de vors(creven) eeussele ten lesten twee/ jae(re)n vand(en) uutgane uut huers vors(creven) t(er)mijns selen moete(n)/ begroest laten It(em) selen die vors(creven) huerlinghe die beken en(de)/ grechten om oft indie vors(creven) eeussele liggen(de) vaghen en(de) ruyme(n)/ gelic dat gewoenlic es geweest Ende alle dese vorweerd(en)/ It(em) elc heeft elc der vors(creven) huerlinghen den ande(re)n geloift vand(en)/ vie(re)ndeele d(er) vors(creven) so(m)men en(de) d(er) (con)dicien en(de) gelufte(n) bij hen gelic/ vors(creven) steet gedaen schadeloes te houden en(de) tontheffen cor(am)/ eisd(em)