Item willem hynckart vors(creven) in p(rese)ncia heeft gekint en(de) gelijdt dat/ amelrijc boote en(de) jouffr(ouw) heylwich [van vaerdere] zijn huysvruwe hem volco/ mentlijc en(de) altemale vast en(de) te vreden gesedt hebben van/ dien xvi will(el)m(u)s scilde erflijc ter quitingen staende die derfgename(n)/ wouters wilen pynnoc met scepen(en) brieven van loven(en) hebben/ aen zijn goede vand(er) vue(re)n met allen hue(re)n toebehorten die de/ vors(creven) willem teghen den vors(creven) gehuyssche gecreghen heeft Also/ dat de selve gehuyssche en(de) der selver jouffr(ouwe) heylwigen goede/ toerscot gelegen die met scepen(en) brieven van loven(en) voir de/ selve xvi will(el)m(u)s scilde verpant stonden alst blijct bij eender/ guedinghen onder ons staen(de) sept(embris) xii a(nn)[o] lix dair af en(de)/ also v(er)re alst dien aengaet los en(de) onverbonden zijn En(de)/ heeft gelooft de vors(creven) willem de selve gehuyssche noch hue(r)/ goede vors(creven) dair voir ny(m)mermeer aentespreken te/ vexe(re)n noch te moyen in gheenen rechte gheestelijc noch w(er)lijc/ cor(am) eisd(em)