It(em) de sake van gedinge die in aensprake en(de) in v(er)antweerde(n) come(n)/ es voir meye(r) en(de) scepen(en) van loeven(en) tusscen gielise luycx sone als/ aenlegge(r) in deen sijde en(de) willem(me) van backenbruggen poirte(r) van/ loeven(en) in dande(re) Alse van acht l(i)b(ra) grot(en) die henric van pulle/ na de doot van hem hadde acht(er)gelate(n) en(de) hadde die gemaict en(de)/ besedt gielise van pulle sijne(n) bastart brued(er) vand(en) welke(n) de/ vors(creven) gielis luyxsone meynde dat de vors(creven) wille(m) va(n) backenbrugg(en)/ in eene(n) deele en(de) porcien sculdich was te ghelden en(de) te dragen/ Vanden welke(n) de selve van backenbrugge(n) hielt de contrarie/ bij diverse(n) reden(en) die hij dair toe allig(er)de Wart opde(n) dach/ van heden bij vo(n)nisse van scepen(en) van loven(en) gestelt en(de) gere/ mitt(er)t inde banc van borch brecht dair seke(r) handelinghe/ van dien geweest was om die voirt aldair tusscen p(ar)tien/ gehandelt te werdden alsoe behoire(n) sal cor(am) o(mn)ib(us) scab(in)is dempt(o)/ kersmake(re) no(vem)[br(is)] xxviii