Item vanden gedinghe dat voir meye(r) en(de) scepen(en) van loven(en) geweest/ es tusschen wille(m)me vanden berghe vorste(r) te corttenake in/ deen zijde ende reyne(re)n van papenbroec in dande(re) alse vanden/ ersete(r) die de vors(creven) willem te wercke gesedt hadde ende/ gebesicht inde quetsue(re)n die hij [van] den vors(creven) reyne(re)n en(de) ande(re)n/ zijnen medepleghe(re)n hadde ontfanghen Den welcken de selve willem/ versocht vanden vors(creven) reyne(re)n hem afgedaen te wordden want hij
//
hoopte dat recht en(de) bezunder na eender uutspraken hier af tusschen/ hen bij segghers voir scepen(en) van corttenake uutghesproken/ also behoerde te geschien Teghen dwelc de selve reyne(r)/ hem opponeerde ende meynde na recht ende bezunder/ nader voirs(creven) uutspraken dair inne also niet gehouden/ te zijne mair dat hij zoude gestaen met tghene/ des bij meesters cherurgijns bevonden zoude zijn dat/inde aende voirs(creven) quetschue(re)n verdient soude zijn oft wesen/ des de voirs(creven) willem niet te vreden en was mair/ meynde want zijn cherurgijn versocht te hebben xii/ ryns guld(en) en(de) trecht dair af oic eensdeels geloopen/ was ende bijden segghers die questie gheheel geslicht/ na dat de vorscr(even) scepen(en) van corttenake gedragen hadden/ Soe hoopte hij zijnd(er) aenspraken te volcomen Was gewijst/ met desen worden na aensp(ra)ke en(de) verantwerden van beide/ den p(ar)tien en(de) oic thoenisse des voirs(creven) willems dat de/ vors(creven) reyne(r) gehouden zijn zoude den vors(creven) ersete(r) des/ voirs(creven) willems te cuelen P(rese)ntibus omnib(us) scabinis dec(embris)/ prima