Item het es comen voir den raide vander stat gerart/ del haye die al dair hadde doen bescriven metter stat/ brieve den meye(r) des heerscaps van p(er)weis mits dien/ dat de vors(creven) meye(r) hem onderhielt zeke(r) pande twee/ r(yns) gul(den) en(de) viii st(uvers) die de vors(creven) gerart ond(er) de wet gesedt/ hadde om een hootvaert die begrepen was bij hem en(de)/ mathijse le febure die ald(air) niet inne en sette te halen/ voir de scepen(en) van loven(en) Dwelc de meye(r) alsoe genoech/ kynde voir den vors(creven) raide en(de) die hij weder om vanden/ meye(r) begheerde te hebben Aldair zoe verre get(er)mijneert/ wert na tkynnen des vors(creven) meye(r)s dat de selve meye(r)/ den vors(creven) gerarde gehouden sal zijn de vors(creven) gesette pande/ en(de) ghelt te restitue(re)n tusschen dit en(de) sinxen(en)dach naest/ comen(de) costeloes en(de) scadeloes Act(um) in pleno consilio/ p(rese)ntib(us) ouderogghe burg(imagist)[ro] et pluribus aliis maii xix