Item jan de welde zone wilen jans van buetsele in p(rese)ncia heeft/ genomen en(de) bekint dat hij genomen heeft teghen janne de/ smet rentmeester des godshuys van vliederbeke hebben(de) volcome(n)/ procuracie vand(en) abt en(de) co(n)vents des selfs godshuys thoff des/ selfs godshuys gelegen toirbeke met xlviii boende(re)n ond(er) lant/ en(de) beempde en(de) thienden den selven godshuys ald(aer) toebehoe(re)nde/ en(de) den buyten lande dair af dat arnt amelrijcx et gort amelrijcx/ sijn neve bewint hebben gehadt na begrijp eend(er) cedullen die/ zij d(aer) af hebben en(de) den vors(creven) (con)vente toebehoe(re)n Te houden te/ hebben en(de) te wynnen van half merte naestcomen(de) eenen/ termijn van ix jae(re)n lanc deen na dand(er) zond(er) middel v(er)volgen(de)/ elx jaers dae(re)nbynnen om en(de) voir hondert mudden harts/ corens pacht van oirbeke d(er) maten van thienen met wanne/ en(de) vloghelen wel bereit Te weten(e) vi halst(er) d(er) selver maten/ voir elc mudde gerekent van welc tsinte andriesmesse/ apostels te betalen te weten(e) derthien mudden d(aer) af der/ pytancien vande(n) vors(creven) godsh(uys) en(de) thien mudde d(aer) af m(ijn) hee(re) den/ abt vors(creven) beide te loven(en) oft te vlied(er)beke d(aer)t mijne(n) hee(re) dat/ gelieve(n) sal en(de) vort tsurplus vand(en) vors(creven) coren(en) te oirbeke/ int vors(creven) hoff te leve(re)n den vors(creven) t(er)mijn due(re)nde quolibet/ ass(ecutu)[m] Item es vorweerde dat de vors(creven) wynne jairlix tsinte/ remeysmesse den vors(creven) t(er)mijn lanc due(re)nde gheve(n) en(de) leve(re)n/ sal d(er) came(re)n des vors(creven) abts thien pont was een pont ghyn/ gebers een pont pepers en(de) vier onchen sofferaens oft vier/ ryns guld(en) d(aer) voir dwelc mijne(n) hee(re) best gelieve(n) sal Item/ es vorweerde dat de vors(creven) wynne den vors(creven) t(er)mijn lanc/ due(re)nde sculdich sal zijn te leve(re)n int vors(creven) hooff vi[c] walme(re)n/ om de huysinghe vand(en) vors(creven) hove mede te decken en(de) als/ men dair dect oft plect oft zo wat wercke dat mijn/ hee(re) dabt dair maken doet dair af sal de wynne/ den wercluden den montcost doen en(de) mijne hee(re) sal de/ dachue(re)n betalen uutgenomen van grooter nuwer ty(m)meringe(n)/ Wart oic also dat des vors(creven) wynne beesten aende huysinge/ oft gestijpte vanden vors(creven) hove e(n)inghe ghate braken dat
//
zoe sal de vors(creven) wynne die op zijns selfs cost wederom/ doen maken Met condicien dat de vors(creven) wynne inde/ drie lesten jae(re) vand(en) vors(creven) termijne des vors(creven) cloest(er)/ lanc in al oft in deele niet en sal mogen hoervruchte(n)/ en(de) sal de vors(creven) wynne de vors(creven) lande ten eynde vand(en)/ vors(creven) t(er)mijne moeten besayet en(de) gewonne(n) laten inder/ manie(re)n hier na volgen(de) Te weten(e) xv boend(er) boend(er)/ vand(er) yerster getoesten wel en(de) loflijc gesayet en(de) gewo(n)nen/ op zijn getideghe voe(re)n met wynt(er) coren(en) op zijn gelijc/ zijnen reengenoten Desgelix sal hij de buyten lande laten/ gelijc hijse aenveert heeft also die ced vorwynnen gedaen/ hebben Item sal hij allet mest dat vand(en) vors(creven) goeden/ metter thiende(n) comen sal opt voirs(creven) lant vue(re)n tslants/ meesten proffite en(de) die stortte sal hij laten eens omgedae(n)/ en(de) de brake geheel Item wart also dat inden vors(creven)/ hove brant geviele dat god verhueden moet die toequa/ me van wegen des vors(creven) abts oft (con)vents dat zal sal/ zijn t(er) last vand(en) vors(creven) abt en(de) (con)vente Wart oic alsoe/ dat dien toequame ten ocsuyne oft va(n) wegen des vors(creven)/ wynne dat zij sijn in scaden des selfs wynne(n) en(de) dat/ die sal hij sculdich zijn opterichten den selve(n) abt en(de) (con)ve(n)te/ t(er) taxacien van goeden mannen hen des vors(creven) verstaende/ Wairt oic also dat d(aer) brant geviele en(de) men gheen/ van des vors(creven) is geproeve(n) en conste zoe zoude elc p(ar)tie/ zijn scade draghen Item sal de vors(creven) abt en(de) co(n)vent hebbe(n)/ en(de) behouden vier werve(n) tsjaers zijn ghisten gelijc hij en(de)/ zijn co(n)vent gewoenlijc zijn int vors(chreven) hof en(de) op and(er) hove/ te hebben op des vors(creven) wynne cost En(de) eest dat sake/ dat den vors(creven) abt met zijnen gesynne dicker gevelt te/ comen dat zal oic zijn op des vors(creven) wy(n)ne(n) cost/ uutghenomen van wijne en(de) wassen keersen Item sal oic/ de vors(creven) ontfaen alle de monicke en(de) gesynne des vors(creven)/ cloest(er)s also dicke als zij d(aer) comen op zijne(n) cost zond(er)/ van wijne en(de) also verre als zij comen met hae(re)n abijte/ en(de) met orlove van hue(re)n oversten en(de) and(er)s niet Item
//
sal de(n) voirs(creven) wynne bij mijne(n) hee(re) vors(creven) en(de) zijne(n) co(n)vent restitucie/ geschien wart dat hij aen zijn vruchten van gemeynder orloge(n)/ oft tempeesten e(n)nighe scade hadde oft lede ghelijc ande(re) he(re)n/ en(de) p(re)laten hue(re)n pechtene(re)n boven en(de) beneden zouden doen item/ sal de vors(creven) wynne op dleste jair zijns vors(creven) t(er)mijns allet/ stroe en(de) voesteringhe van xv boende(re)n wynter corens en(de)/ xv boend(er) zomercorens metter thienden stroe int voirs(creven)/ hof bringhen en(de) dat etten met zijnen beesten en(de) te meste/ maken en(de) allet mest d(aer) af comen(de) boven dat hij opde vors(creven)/ lande gevuert sal hebben int vors(creven) hoff laten zond(er) uut te vue(re)n/ uutgenome(n) hoy crocken erweten en(de) caff Item sal de vorscr(even)/ wynne de lande vors(creven) jairlix den vors(creven) t(er)mijn lanc due(re)nde/ metten meste dat hij aldus int vors(creven) hof maken sal/ overmesten zoe verre dat tstrecken sal Item sal de vors(creven)/ wynne jairlix hebben vand(en) vors(creven) abt en(de) co(n)vent vijf ellen/ lakens gelijc mijn hee(re) en(de) (con)vent zijne(n) ande(re)n pechtene(re)n jairlix/ sal gheven th tot eene(n) tabbarde Item sal de vors(creven) wynne/ jairlix sculdich zijn te leve(re)n int vors(creven) hoff m(ijn) hee(re) vors(creven) vier/ sacke terwen d(er) mate(n) va(n) thiene(n) te weten(e) vi halst(er) voir/ elcken sal sack en(de) doers dair voir salme(n) hem afcortten/ vand(en) vors(creven) hond(er)t mudden corens vier mudde corens/ Item sal de vors(creven) wynne jairlix sond(er) afslach des vors(creven) is/ m(ijn) vors(creven) hee(re) gheve(n) int vors(creven) hof eenen half sack erwete(n)/ goet en(de) costboir Item sal de vors(creven) wynne alle de gossen en(de)/ weghe vand(en) vors(creven) goeden maken en(de) houden op zijnen cost also/ dat den vors(creven) godshuyse d(aer) bij gheen scade en lijde den vors(creven) t(er)mijne/ due(re)nde behoudelijc datmen hem die gemaect leve(re)n sal Item/ sal de voirs(creven) wynne de saken dieme(n) op mijns hee(re)n wijngharde/ jaerlix behoeven sal te hoxhem geleghen leve(re)n op de selve/ wijngarde en(de) die halen d(aer) men hem die bewisen sal omtrent/ thienen gelijc zijn vorseten wynne(n) vand(en) vors(creven) hove gedaen hebbe(n)/ En(de) dair voir sal de vors(creven) wynne hebben de haghe omgaens/ den vors(creven) wijngart gaende om die te houwen ten behoirlike(n)/ tijde en(de) de goede d(aer) mede te bevreden gelijc de wynne(n) vand(en)/ vors(creven) hove oic voirmaels hebben gehadt Item sal de voirs(creven) wynne
//
den vors(creven) godshuyse dienen jairlix den vors(creven) t(er)mijn lanc due(re)nde/ met zijnen wagen en(de) peerden vier daghe omtrent/ oirbeke hoxhem en(de) houthem Item sal de vors(creven) wynne/ jairlix den vors(creven) t(er)mijn lanc due(re)nde een vo[e]len wynte(re)n/ en(de) vueden wel en(de) loflijc Item sal de vors(creven) abt en(de) (con)vent/ jairlix den vors(creven) wynne op dat hem gelieft borghen xx/ sacken corens tot onser lieve vruwen nativitas toe/ Item sal de vors(creven) wynne jairlix den vors(creven) t(er)mijn lanc/ due(re)nde hebben in hueringen den vors(creven) t(er)mijn vand(en)/ vors(creven) procur(eur) een boend(er) beemps gelegen toirbeke toebehoe(re)nde/ der pytancien vors(creven) elx jaers om en(de) voir vier hollan(sche)/ guld(en) te xvi st(uvers) tstuc tsinte mertensmesse te betalen en(de)/ d(er) pytancien vors(creven) te leve(re)n Item sal den vors(creven) abt en(de) (con)vente/ jairlix sculdich zijn te volghen de helicht vanden duyve(n)/ meste comen(de) vand(en) duyfhuyse int vors(creven) hoff staende/ en(de) dair mede zijnen wille doen En(de) alle dese vorwerd(en)/ en(de) condicie(n) (et)c(etera) Hier af zijn borghen des vors(creven) wynne/ ongesund(er)t en(de) onverscheiden en(de) elc voir al jan peter en(de)/ jacop de welde gebrued(ere) sonen des vors(creven) wynne p(ri)us/ emancip(ati) et p(ri)m(us) cokeroul ouderogghe julii quinta