It(em) de vors(creven) reyne(r) en(de) jan sijn sone hebben ghewillecoert en(de) geconsen/ teert dat tgoidshuys vanden percke met sulken beleide van scepen(en) brieve(n)/ van loeven(en) alse tselve goidshuys heeft opde goede des vors(creven) reyners/ van outs hem sal moighen behulpen nae recht tallen tiden alst te doen/ mocht wesen om alle de vors(creven) vorweerden ind(en) voirg(eruerde) pechtingen/ begrepen voldaen te hebben telker tijt en(de) oic betailt te hebbe(n) alle/ die acht(er)stellige sculden die opden dach van heden die selve reynere/ den vors(creven) goidshuyse sculdich was es Ende oic om dat tselve goidsh(uys)/ metten selve(n) beleide en(de) brieve(n) gerarde van baussele secretar(is) d(er) stad/ va(n) loven(en) voirs(creven) behulpen sal moigen om totten voirs(creven) sijne(n) irfrinte(n)/ die de selve gerard(e) gelic voirs(creven) steet opde(n) [tege(n) de(n)] selve(n) reyne(re)n en(de) sijnen/ sone gecocht heeft te comen inden gevalle oft die selve gerard(e)/ e(n)nichsins vand(en) selve(n) rinte(n) in gebreke wae(re) Ende dair voe(r) oft/ voir e(n)nich van dien die goede des voirs(creven) reyners en(de) sijns soene(n) beruer/ lik en(de) omberuerlic te aenveerden te trecken te v(er)hue(re)n te v(er)coepen oft te
//
v(er)pachten en(de) den vors(creven) goidshuyse en(de) gerarde van allen voldaen datme(n)/ dan hen en(de) niet eer de selve brieve wed(er)gheve(n) sal eisd(em)