Om mynlijc af te legge(n) en(de) te slichte(n) alsulken twidrachte(n) ende/ geschillen als e(n)nichssins opverstaen zijn oft porren ende rijsen/ mochten tusscen den eerwerdigen vader in gode he(re)n diericke van/ tuylden bijden gedoege gods abt des goidshuys van p(er)cke ter eenre/ zijden ende lodewike spijck ter ande(re) spruytende uuten bewynde ende/ hanteringen die de voirs(ceven) lodewijck eene(n) tijt duerende van des voirs(creven)/ goidshuys van p(er)cke goeden van die uut ende inne te gheve(n) en(de) tontfa(n)ge(n)/ heeft gehadt ende om der rekeni(n)ge(n) wille die de voirs(creven) lodewijc van/ dien sculdich is te doene vande(n) welken de voirs(creven) abt en(de) lod(ewijc) hen niet/ volcomelijc verdragen noch verliken en mochte(n) bij hen selve(n) So hebbe(n) zij/ hen te(n) onderwise van hue(re)n vrienden en(de) om hier inne v(er)enicht te werden/ verbonden en(de) gesubmitteert in de eendrechtige uutsprake en(de) appointeme(n)t/ vande(n) eerwerdige(n) en(de) notabelen p(er)sone(n) te wete(n) va(n) he(re)n gielise vrancx/ deken d(er) kerke(n) va(n) s(in)te pet(er)s te loeven(en) meest(er) ja(n)ne van grousselt doctoir/ in loye meest(er) kaerle virili licenciaet inde(n) [vacat] rechte(n) en(de) bacheler/ in medicijne(n) ende gerard va(n) baussele sec(re)t(aris) d(er) stad va(n) loeven(en) in/ sulker mate(n) dat de voirs(creven) segg(er)s oft appointeerd(er)s informacie bij mo(n)de/ oft gescrifte vande(n) voirs(creven) p(ar)tien nemen selen en(de) doen hue(r) eendrechtige/ uutsprake tussce(n) dit en(de) acht dage na halfvasten(en) naestcomen(de) Gelo/ vende de selve p(ar)tie(n) in wed(er)sijden wes bij den voirs(creven) iiii segge(re)n op de/ voirs(creven) gescillen eendrechtelijc uutgesproken en(de) get(er)min(eer)t sal werden/ dat zij dat voir goet en(de) van weerden selen houde(n) tot ewighen/ daghen sond(er) dair tegen e(n)nichssins te doene oft te moege(n) come(n)/ in e(n)nig(er) maniere(n) en(de) elc van hen op een pene oft abaduyn va(n)/ driehondert gulden(en) leeuwe d(er) mu(n)te(n) ons gened(ichs) he(re)n te applicere(n)/ deen derdel onsen gened(igen) he(re) de(n) h(er)toge dand(er) derdel de(n) gheestelike(n)/ he(re) d(air) onder die gebreckelike p(ar)tie soude zijn bevonde(n) ende tderde
//
derdel der p(ar)tie(n) die de voirs(creven) uutsprake onderhoude(n) soude willen/ en(de) nochta(n) soude de selve uutsprake altijt moete(n) zijn voldaen/ Met vorwerde(n) oft e(n)nighe vande(n) voirs(creven) seggers gebrake(n) en(de) totter/ voirs(creven) saken niet v(er)staen en mochte(n) dat beyde p(ar)tie(n) altijt in die/ stad ande(re) gelike p(er)sone(n) selen moegen neme(n) die dat metten/ ande(re)n voirger(uerde) gelike macht selen hebben Es voirt gevorwerdt/ soe wes den tijt vand(er) voirs(creven) submissien ov(er)leden zijnde bijd(er) manie(re)n/ voirg(eruert) niet geslicht en is dat elke p(ar)tie d(air) af blijft op zijn beloop/ van rechte ende inden state daert nu steet Ende also heeft/ de voirs(creven) lod(ewijc) gelooft gesekert en(de) te(n) heylige(n) geswore(n) oft de/ voirs(creven) sake bijde(n) voirs(creven) segg(er)s geheelijc niet geslicht en worde/ dat hij dan binne(n) eenre maent na dat den tijt der voirs(creven)/ submissien verstreken sal zijn te loeven(en) inne come(n) sal en(de) van/ dair niet te scheyden voir hij mynlijc oft metten rechte mette(n)/ voirs(creven) abt beslicht sal zijn oft inde vroente come(n) Ende hier/ met sal de voirs(creven) lod(ewijc) ontslaghen zijn van allen geloften/ ende zekerheyden die hij van innecomen(en) te loeven(en) voe(r) mach/ hebben gedaen py(n)noc couck(eroul) febr(uarii) xxiiii