Item van allen stoote die es oft wesen mach tusschen pete(re)n yerpain/ geheete(n) in lymborch in deen zijde ende pete(re)n vand(er) hoeve(n) en(de) claese/ boene den jonghen in dande(re) aengaen(de) seke(re)n comenscape(n) die zij van/ verckene(n) met malcande(re)n hebben gedaen rekeni(n)ge(n) en(de) des dien and(er)s/ aencleeft hebben hen de selve p(ar)tien gesubmitteert in segge(re)n ende/ vriendelike yffene(re)n Te wete(n) de vors(creven) pet(er) yerpain in janne m(ar)cels/ en(de) goessen tibe en(de) dande(re) p(ar)tie vors(creven) in janne zedele(re) en(de) jacoppe/ van muysen(en) in sulk(er) vuege(n) dat zij infor(ma)cie va(n) p(ar)tien neme(n)/ sele(n) en(de) hue(r) eendiechtige uutsprake doen opde vors(creven) gescillen/ binne(n) xiiii nachte(n) naistcomen(de) op dat zijs eens sijn ende oft/ zijs niet eens gewordde(n) en conne(n) sulle(n) sij bynne(n) derde(n) dage/ d(air) na gesamend(er) hant kyesen eene(n) overman oft de sake/ overgeve(n) den raide vander stad welc hen van beide(n) best/ gelieft om biden selve(n) ov(er)man oft bid(er) stad duytsprake gedaen/ te wordde(n) Promitt(entes) rat(um) couck(eroul) ouderogge maii vii