Cont zij allen lieden dat vanden stoote en(de) twedracht die geweest/ es tusschen gielise de roeve(re) ter eend(er) zijden ende daneele vand(er)/ wyen ledertuwe(r) ter ande(re) van eenen stuck hoofs vanden hove/ des vors(creven) daneels gelegen inde cleynstrate tusschen den hoof vorg(eruert)/ des selfs daneels op deen zijde den goeden jans de poirte(re) en(de)/ hubrechts vanden wouwe op dande(re) willem(me)s wilen van buetsele/ opde derde comen(de) met eene(n) hoeke omgaens den hove vors(creven)/ des vorg(enoemde) daneels totten mue(r) oft goeden van sinte loys/ aldair opde vierde dat de vors(creven) gielis voirmaels teghen den/ vors(creven) daneele gecreghen heeft en(de) bij hem gewarendeert wart/ opden vierdalven ryns gul(den) en(de) eenen capuyn erflijc gelijck/ de scepen(en) brieve van loven(en) vand(er) daet xiiii[c] lvi junii xxiii d(air)op/ gemaect uutwisen en(de) begripen Vie den vrede sculdich soude/ zijn te houden ende wie men den vors(creven) erfchijs va(n)den vors(creven)/ erve sculdich zoude zijn jairlix te betalen en(de) des dien/ aencleeft [sijn] beide de vors(creven) p(ar)tien bij middele van hue(re)n beid(er)/ maghe en(de) vriende eensworden en(de) veraccordeert zijn der/ pointe en(de) condicien hier na verclaert die zij malcande(re)n/ voir hen hue(re)n erven en(de) nacomelingen gelooft hebben te voldoene/ en(de) tonderhouden tot eeuweghen daghen Ende inden yersten/ es vorweerde dat de vors(creven) daneel ter stont den vrede tusschen
//
hem en(de) den vors(creven) gielise nade de palen dair nu staende behoirlijc sal/ vertraelgien met staken wel en(de) loflijc op zijnen st cost zonder/ argelist alsoe dat dair gheene houdere? doen dor gaen en mogen/ en(de) die(n) sal hij houden also tot eeuweghen daghen staende sonder/ e(n)nich leder dair op te mogen hanghen in e(n)niger manie(re)n Ende in/ meerder vesticheit den vors(creven) gielise vand(er) vors(creven) st traelgien oft/ vrede en(de) vanden houden(de) der selver te hebben heeft de vors(creven) daneel/ met consente des he(re)n vanden gronde tot eenen wetteliken onderpande/ gesedt een huys en(de) hoff met zijnen toebehoerten gelegen inde cleyn/ strata tusschen janne van maelcote opdeen zijde en(de) gielis vors(creven)/ op dandere van welcken onderpande de vors(creven) daneel gelooft heeft/ den vors(creven) gielis genoech te doen en(de) dien gewarendeert op drie/ ryns guld(en) erflic als voir alle den co(m)mer dair uitgaen(de) Item es/ vorweerde dat de vors(creven) daneel en(de) zijn nacomelinghe op dat/ hen gelieft voir de vors(creven) traelgie op sijn erve sullen mogen/ setten vorcken staken oft and(er) hout also vele als he(n) gelieft ende/ dair aen nychelen latten oft roeden om leder gelijc hen goet/ duncke(n) sal dair aen te hanghen seven voete hoghe vander/ eerden Ende ter ande(r) zijden es vorweerde en(de) heeft/ gelooft de vors(creven) gielis voir hem en(de) zijn nacomelinghe(n) den vors(creven)/ chijs [jairlix ten behoirliken tide] te dragen en(de) te betalen tTe weten(e) eenen ryns guld(en)/ d(air) af den cloester vanden p(re)dicke(re)n bynn eene(n) ryns gul(den) den cloest(er)/ vanden augustijnen bynne(n) loven(en) die zij van outs d(air) opt vors(creven)/ erve gehadt hebben en(de) tsurplus den ghenen dieme(n) dien/ sculdich is en(de) also den vors(creven) daneele en(de) zijn erve vors(creven)/ d(air) af tot eeuwegen daghen ontlasten en(de) quithouden also dat/ hem genoech zijn moghe Ende te meerder vestich(eit) den/ vors(creven) danneele van des vors(creven) is heeft de vors(creven) gielis tot eene(n)/ wettighen onderpande gesedt twee huysen met hue(re)n toebe/ hoerten en(de) den hof vors(creven) gelegen inde cleynstrate tusschen naest/ den goeden des vors(creven) daneels op deen zijde janne poirters/ en(de) hubrecht vanden wouwe op dand(er) jann en(de) willem(me) wilen/ van buetsele opde derde comen(de) met eene(n) hoeke tot aenden muer/ van sinte loys huyse ald(air) met co(n)sente tshe(re)n vanden gronde/ van welcken onderpande de vors(creven) gielis gelooft heeft genoech/ te doen en(de) dien gewarendeert op drie ryns guld(en) erflijc
//
als voir alle den co(m)mer en(de) last dair voir uutgaende also dat den vors(creven)/ daneele en(de) zijnen nacomelingen genoech zij en(de) mits desen/ sullen de vors(creven) p(ar)tien van malcande(re)n vand(en) erve vors(creven) verenicht en(de)/ beslicht bliven tot eeuwegen daghen cor(am) cock(eroul) ouderogge maii/ xii