Op de questie die voe(r) den raide vander stad comen en(de) gheweest/ es tusschen janne leenart van kerberghen met gielise kerman als/ procur(eur) desselfs jans ter eenre zijden ende janne leenart sone des/ voirs(creven) jans met joesen de witte als procur(eur) des selfs jans des/ soens ter ande(re) oerspronc nemende vander doot ende aflivich(eit)/ willems wijlen leenarts sone des voirs(creven) jans des vaders ende/ brueder des voirs(creven) jans des soens die alsoe bij willem(me) wijlen/ koerlebacx geheeten die becke(re) van live ter doot bracht es Ende/ dair op rustende dat de voirs(creven) jan die sone met sijnen/ procur(eur) meynde dat hij die soene vanden voirs(creven) wijlen willem(me)/ leenarts sijnen brueder dair af tusschen hen questie was ende/ des dair aen cleeft aen hem soude moighen laten steeden ende/ te hande en(de)te monde comen sonder bijzijn van zijnen vader/ en(de) al eist dat hij in sijnen broode es vanden sel welcken die/ selve vader blotelic hielt die contrarie Wart ghecleert ende/ biden vollen raide vander stad overdraghen dat de voirscr(even)/ jan die sone de zoene soude moighen aenveerden steedighen/ ende den voerval van rechts weghen aen hem laten doen/ sonder bij zijn oft consent van sijnen vader voirscr(even) Bij alsoe/ oft naemails in deser materien e(n)nighe donckerheit gheviele/ dair af behoirt behult de stad die declaracie te huerweert/ Act(um) augusti vi[ta] in pleno (con)silio p(rese)ntib(us) ambob(us) burgim(a)g(is)tris/w videl(icet) kersmake(re) willem(air) aug(usti) vi