Cont zij allen lieden dat jan vander braken die beide uut machte va(n) scepen(en)/ brieven van loven(en) en(de) van gheele jairlix heeft op de goede hier na/ bescreven twee mudden corens d(er) maten van gheele erflijc tsint jans/ messe baptisten te betalen te weten aen en(de) op een huys en(de) hoff mette(n)/ bogarde schue(re)n en(de) allen ande(re)n zijnen toebehoerten geleghen te gheele/ inde nuwestrate tusschen den goeden lenarts zweerts en(de) der kynde(re)n/ jans wilen ribs Item aen en(de) op een stuc onder eeusel en(de) heiden geleg(en)/ te gheele opden ruyntvort tusschen den goeden jans van gansvenne/ te beiden zijden Item aen en(de) op een huys en(de) hof metten bogarde/ houden(de) een halve zille gelegen ter selver plaetsen tusschen den/ goeden jans de vos ende denijs zweertgoirs Item aen en op/ een stuc lants houden(de) een boender gelegen te ghenengoire tussche(n)/ den goeden jans vanden goire ende jans kemerlinc Item aen/ ende op een stuc lants houden(de) een half boender gelegen aldair/ teghen de vors(creven) goede tusschen den goeden des vors(creven) jans kemerlinc/ ende laureys decke(re) Item aen en(de) op eenen beempt geheten/ ramel houden(de) een boender gelegen aldair tusschen den goeden/ des vors(creven) jans kemerlinc ende henricke de coste(re) Item aen en(de)/ op een stuc beemps geheten eertboirne houden(de) i(½) sille gelegen/ aldair tusschen den goeden des voirs(creven) jans kemerlinc ende/ jans wijnants Item aen en(de) op een half boender beempts gelege(n)/ te meerhout opden steen In yegenwordicheiden der scepen(en) van/ loven(en) gestaen heeft gekint en(de) gelijdt voir hem en(de) zijnen nacome/ lingen dat hij van nu vortaen hem niet meer vanden vors(creven) goeden/ dan totten goeden hier na bescreven te weten totten huyse en(de) hove/ metten bogarde houden(de) (½) zille gelegen opden ruyntvort tusschen den/ vors(creven) janne de vos en(de) denijse swertgoirs Item totten boender lants/ paulo gelege(n) te gheele in ghenengoire tusschen janne vand(en) goire/ en(de) janne kemerlinc vors(creven) Item tot (½) boender lants gelegen aldair/ tegen tvors(creven) boend(er) tusschen janne kemerlinc en(de) laur(eys) de decke(re) vors(creven)/ Uut saken vanden vors(creven) ii mudden corens oft andersins rechts [en] v(er)meten/ noch d(air) op en heeft noch hem v(er)meten en sal inde drie stucken/ lants lest voirg(eruert) Scelden(de) de selve pande vanden voirg(eruerde) ii mudden corens/ volcomentlijc quijt ende dat hij de selve rente vanden ii mudd(en)/ corens voirg(eruert) alleene op dand(er) pande vors(creven) hebben en(de) behouden sal cor(am)/ cockeroul ouderogghe nove(m)bris iiii[ta]