Item jan van coudenberghe woenen(de) inden bontenosse indeen zijde/ en(de) wouter de bernia? woenen(de) te hoye weert inden weldeman/ aldair in dande(re) die zeke(re) gescille en(de) twedracht teghen malcande(re)n/ hebben gehadt voir den raide vand(er) stat om zeke(re) rynswijne die/ zij verhandelt hebben tusschen hen dair aen zij in wedersijde/ deylden en(de) d(air) om zij deen opden ande(re)n actie meynden te hebben/ hebben gelooft gezekert en(de) in wedersijde ten heylighen gesworen/ dat zij van allet ghene des ten ocsuyne van desen deen van/ hen den ande(re)n zoude mogen eysschen trecht achtervolghen/sal sullen en(de) versueken voir tgherichte van des(er) stat ende/ nergerens elder buyten noch bynnen lants in gheend(er) wijs/ Ende vort dat zij tusschen dit en(de) sinte bertelmeeus dach/ naestcomen(de) hen bereet zullen gheven totten gerichte hier/ af sal de vors(creven) wout(er) gehouden zijn bynne(n) den selven daghe te/ loven(en) inne te comen ghelijc hij gezworen heeft trecht ten/ eynde uut tegen den vors(creven) janne te verwachten en(de) vorts/ oic te voldoene des bijden rechte alhier gewijst oft geappoint(er)t/ sal zijn cor(am) ambobus burgim(a)g(ist)ris julii iii