It(em) reyne(r) vanden broec broecke in p(rese)ncia heeft genome(n) en(de) bekint dat hij/ genome(n) heeft tegen he(re)n janne tyrion p(ri)este(r) als des volcomelic gemechticht/ vanden abt en(de) (con)vente des goidshuys van percke inde(n) name en(de) van wege(n)/ desselfs goidshuys thoff van rode des vors(creven) goidshuys gelege(n) bij leeuwe/ dats te wete(n) die woeni(n)ge met alle(n) den huyse(n) hove(n) wynnen(de) lande(n)/ beemde(n) eeussele(n) en(de) allen hue(re)n toebehoirte(n) [gelic] dat de vors(creven) goide aldair/ geleg(en) sijn ende goerd wile(n) van velthove(n) jans sone was en(de) sijn/ kinde(re) voe(r) en(de) de vors(creven) reyne(r) nae hen en(de) tot noch toe die goede ge/ houde(n) hebbe(n) uutgenome(n) die porceelen h(ier) nae bescreve(n) Te wete(n) eene(n)/ beempt geheete(n) thaerde eeussel It(em) eene(n) beempt d(aer) neve(n) geleg(en) geheete(n)/ cleyn haert eeussel beyde int eygen van leeuwe geleg(en) It(em) eenen/ beempt geleg(en) over die graze It(em) eene(n) beempt geheete(n) de(n) balgardonc/ It(em) eene(n) beempt geheete(n) den donc geleg(en) ald(aer) neve(n) die strate It(em)/ eene(n) beempt oic geheete(n) den donc gelege(n) ald(aer) neve(n) den bruel It(em) de(n)/ selve(n) beempt geheete(n) den bruel It(em) den beempt geheete(n) de(n) laerdonc/ It(em) den laerbeempt al geheel It(em) den meyerdriesch It(em) een boend(er)/ en(de) vijf dach(mael) beempts bed beide geleg(en) aende(n) zantberch It(em) vijf/ dach(mael) en(de) een boend(er) beempts geheete(n) die heybeemdt It(em) noch eene(n)/ beempt geheete(n) den cappeldriesch welke goede als vand(en) beemde(n)/ vors(creven) tvoirs(creven) goidshuys te hemw(er)t behoudt en(de) heeft v(er)huert div(er)sen/ p(er)sone(n) Te houden te hebben en(de) te besitten van half april naestcomen(de)/ eene(n) t(er)mijn van sesse jae(re)n due(re)nde elx jairs dae(re)nbynne(n) om ende voe(r) drie/ hondert en(de) tweentsestich clinck(ar)de te wete(n) derthien pe(n)ninghe gehete(n)/ stuv(er)s en(de) een derdeel van eene(n) stuv(er) d(er) mu(n)te(n) ons gened(ichs) he(re)n ts(er)togen/ voir elken clinkart gerekent oft die weerde d(aer) af in ande(re)n goede(n) gelde/ Te wete(n) hond(er)t clinck(ar)de d(aer) af ts(in)t jansmisse bap(tis)[te(n)] hond(er)t tweentsestich/ clinck(ar)ts ts(in)te m(er)tensmisse en(de) hond(er)t clink(ar)ts d(aer) af te paessche(n) It te betale(n)/ en(de) te p(er)cke te leve(re)n jairlix den vors(creven) t(er)mijn due(re)nde quol(ibet) ass(ecutu)[m] It(em)/ es vorweerde dat elc vand(en) vors(creven) p(ar)tien sal moighen scheiden vand(en)/ ande(re)n ten yers drie jae(re)n behoudelic dat die ghene van hen die
//
scheiden wilt den ande(re)n een half jair te voe(re)n cundige(n) sal It(em) sal de/ voirs(creven) wynne draghen en(de) betalen sond(er) afslach vand(en) vors(creven) so(m)men [den chijs] uute(n) des/ vors(creven) [goidsh(uys)] goeden [aldair gelege(n)] gaende op sijne(n) cost alsoe wale vanden ande(re)n goeden ald(aer)/ geleg(en) als vand(en) ghene(n) die hij vand(en) vors(creven) goidshuyse hult ende/ des sal hij heffen jairlix den chijs den vors(creven) goidshuyse toebehoiren(de) gelijc/ de vors(creven) reyne(r)(e)n dien voirtijts gehave(n) heeft It(em) oic sal de vors(creven) wynne/ doen die gewoenlike corweyden en(de) ande(re) lasten en(de) gisten van houwene/ alsoe dat gewoenlic es It(em) sal de vors(creven) wynne oic leve(re)n jairlix s(in)t jansmisse/ op sijne(n) cost te thiene(n) een goet voed(er) hoys inde h(er)berghe ald(aer) des voirs(creven)/ cloest(er)s Ende gebuerdet soe dat den vors(creven) wynne de(n) vors(creven) t(er)mijn due(re)nde/ aende vors(creven) goede e(n)nige schade gesciedde van gemeyne(n) orloghe oft tempeeste(n)/ en(de) die wynne die schade dede blijken [den vors(creven) abt] d(aer) af sal tvors(creven) goidshuys de(n) vors(creven)/ wynne rastoir doen en(de) richtinghe alsoe wale als tcoren ind(er) schue(re)n sal/ sijn tot ons(er) vrouwen liechtmesse als and(er)s al ter taxacie(n) van goeden/ mannen [ende oft den selve(n) wy(n)ne e(n)nige schade gesciedde van wate(r) aende vors(creven) beemde daer af sal tgoidshuys he(m) oic rastoir doen gelic ande(r) he(re)n en(de) p(re)late(n) doen sele(n) behoudelic dat hij die schade behoirlic sal doen blijke(n) t(er) taxacie(n) van goede(n) ma(n)ne(n)] It(em) sal de vors(creven) wynne moighen houwe(n) alle jae(re) den voirs(creven) t(er)mijn/ due(re)nde die drie dach(mael) boschs op tvors(creven) goet ende wairt dat sake dat de/ voirs(creven) wynne binne(n) de(n) vors(creven) tide yet ty(m)me(re)n woude inde goide voirscr(even)/ d(aer) toe sal hij moige(n) hout neme(n) en(de) houwe(n) op tvors(creven) goet t(er) mynster/ schaden bij (con)sente des abts vors(creven) oft des gheens dien hij d(aer) toe setten/ sal van sijne(n) weghen Ende soe wat hij d(aer) mee ty(m)me(re)n oft maken sal/ dat sal den vors(creven) cloeste(r) blive(n) te(n) ynde van sijne(n) vors(creven) t(er)mijne It(em) sal/ de vors(creven) wynne die huysinghe vand(en) vors(creven) hove houde(n) va(n) wande/ en(de) van dake in goed(er) rep(ar)acien en(de) die alsoe te sijne(n) uutgaen laten/ beheltelic oft d(aer) e(n)nige oude huysinge van cranck(er) ty(m)meringe(n) v(er)viele(n)/ die en soude de vors(creven) wynne niet sculdigh zijn te verheffen oec en/ sal hij egheen ty(m)meringe sculdich sijn te doen Ghevielt oic dat/ e(n)nige(n) cost gedaen soude mote(n) sijn aende huyse va(n) nyeuwe(n) dake/ alsoe v(er)re als zij met tieghele(n) gedect sijn het wae(re) van ty(m)meringe(n) decke(n)/ latten en(de) yse(re)nwercke soe soude m(ijn) hee(r) vors(creven) dat selve mote(n) betale(n)/ en(de) desgelix de dachue(re)n vand(en) wercliede(n) van dien en(de) de wy(n)ne/
//
sal den wercliede(n) de(n) montcost geve(n) It(em) sal de vors(creven) wynne te(n) uut/ gane vand(en) vors(creven) t(er)mijne late(n) besaeyt den wynt(er)art met wynt(er)coerne/ wel en(de) loflic op vier getidege voren en(de) den zom(er)art omgedaen/ de helicht op twee getidege vore(n) en(de) dand(er) helicht op eene vore/ en(de) die brake eens o(m)me gedaen Oec sal de wynne vors(creven) allo(m)me/ aende vors(creven) goede sijne(n) t(er)mijn lanc due(re)nde die grechte(n) veghen/ en(de) die wat(er)leyde(n) houde(n) en(de) wel en(de) loflic ruyme(n) alst te doen/ sijn sal Ende voirt sal hij late(n) den wynt(er)art de bossche(n) ende/ die beempde(n) wel en(de) loflic bevreedt in zijne(n) afsceide(n) Oec sal/ hij sette(n) alle jae(re) sijne(n) t(er)mijn due(re)nde opde vors(creven) goede te(n) meeste(n)/ profite tweehond(er)t pote(n) en(de) die v(er)doirne(n) jege(n) die beeste(n) It(em) sal/ hij late(n) ten ynde van sijne(n) t(er)mijne inde(n) hove vors(creven) vier voeder/ hoys en(de) xxv hoepe stroes en(de) den vive(r) ald(aer) gespijst met hondert/achtentwintich antenoesen It(em) het es vorweerde oft geviele/dat e(n)nige(n) cost gedaen soude mote(n) wordde(n) dat de vors(creven) wynne/ ten ynde van sijne(n) vors(creven) t(er)mijne betale(n) sal den vors(creven) goidsh(uys)/ als v(er)reycte schout tweehond(er)t guld(en) pe(n)ni(n)ge geheete(n) rijders/ d(er) mu(n)te(n) h(er)toge(n) ph(ilip)s van bourg(oign)[en] en(de) van brab(ant) die welke/ hem gelev(er)t wae(re)n tsijne(n) income(n) in alrehande beeste(n) en(de) have(n)/ ende sal de vors(creven) wynne oic leve(re)n alle jae(re) te percke int/ cloest(er) sijnen vors(creven) t(er)mijn due(re)nde hond(er)t hantkeese(n) te(n) tide/ alst m(ijn) hee(r) vors(creven) gelieve(n) sal Ten ynde es oic ond(er)sproken/ dat de vors(creven) wynne sal hebbe(n) vijf ellen lakens als mijn/ hee(r) dabt levereye geve(n) sal [It(em) oft gebuerde dat de voirs(creven) wy(n)ne e(n)nighe vand(en) voirs(creven) wynnen(de) lande(n) verre vand(en) vors(creven) hove geleghen van sijnd(er) hant voirt uutgave ande(re)n p(er)sone(n) te wynne(n) gelic hij doen mach ende hij die [den t(er)mijn] lang den t(er)mijn va(n) dien uutgevene lang(er) due(re)n moeste dan zijne(n) vors(creven) t(er)mijn due(re)n sal soe es vorw(er)de dat dat uutgheve(n) tvors(creven) goidsh(uys) va(n) weerde(n) sal mote(n) houde(n) niet tegenstaen(de) dat des vors(creven) wy(n)ne(n) t(er)mijn uut wae(re) al w(er)t oic drie oft sesse jae(re)n nae des voirs(creven) wy(n)ne(n) t(er)mijn] Ende alle dese vorw(er)d(en) (et)c(etera) h(ier)/ af es borghe des vors(creven) wynne als p(ri)ncipael sculde(r) (et)c(etera) jan/ vanden broecke sone des vors(creven) reyners et p(rim)[(us)] witte pynnoc ja(nuarii) viii