Allen den ghene(n) die dese l(ette)ren selen sien oft hoire(n) lesen burg(er)meest(eren)/ scepen(en) en(de) raet d(er) stad va(n) loeven(en) saluyt doen cond alle(n) luden/ dat opden dach datu(m) va(n) desen voir ons come(n) is in p(ro)pren p(er)sone/ henric van schore en(de) heeft mechtich gemaect tot zijne(n) wederroepen(en)/ gesedt geco(n)stituert volcomen macht en(de) auc(tori)teyt gegeve(n) arnold(us)/ kyp en(de) gerardu(m) van baussele onse(n) geminde(n) sec(re)t(aris) en(de) arnold(um) vand(er)/ straten a(ut) alle en(de) yegewelke sijne(n) goede chise rinte(n) pachte en(de) sculden/ die de voirs(screven) henric van schore heeft oft e(n)nichssins hebbe(n) mach/ oft he(m) toebehoiren(de) zijn inde(n) lande van brab(ant) en(de) me(n) he(m) sculd(ich) is/ en(de) namaels wesen sal Te mane(n) te eyssche(n) te boire(n) en(de) tontfangen/ aen wat p(er)sone oft te wat stede(n) en(de) plaetse(n) dat dat zijn mach
//
dair voir te pande(n) te dage(n) te beleyde(n) rastem(en)te te doen legge(n) en(de) die/ met rechte te exequere(n) na inhoude(n) d(er) brieve en(de) bezegelte(n) d(aer) af zijnde/ alsoe wale de ghene die de(n) voirs(creven) henr(ic) met testame(n)te toecomen zijn/ als ande(re) na gewoente en(de) costume vande(n) plaetse(n) dair dat behoire(n)/ sal oft behoeven soude moege(n) En(de) op dats noot geboirde voir/ alle gerichte(n) gheestelijc oft weerlijc met rechte te v(er)antwerden te/ bescudden en(de) te bedinge(n) die te wynne(n) en(de) te verliesen (com)posicie/ en(de) mynlike yffeni(n)ge d(aer) af te maken den sculders van des zij ont/ fangen selen oft e(n)nich van hen ontfange(n) sal quite te schelde(n) en(de)/ quitancie te gheve(n) en(de) die onberuerlike goede des voirs(creven) henr(ix)/ met jaerschare(n) uut te gheve(n) te verpachte(n) en(de) te verhuere(n)/ en(de) voirtane g(e)n(er)alijc en(de) specialijc allet tgene d(aer) inne te doene/ en(de) te vorde(re)n dat de voirs(creven) henric van schore selve soude moege(n)/ doen wae(r) dat hij jegewoirdich en(de) voir oeghe(n) ware Geloven(de)/ de(n) selve(n) drien gemechtichden en(de) elken va(n) hen volcome(n) macht/ auctoriteyt beveel en(de) last eene(n) oft meer gemechtichde(n) ende/ gesubstituerde(n) van huerre oft zijnre hant te sette(n) ende te stellen/ om te doen(e) en(de) in allen maniere(n) voirs(creven) te vorde(re)n talle(n) plaetse(n)/ dat de voirs(creven) iii p(ro)cur(eur)s oft zijt selve dade(n) en(de) met dese(n) brieve(n)/ soude(n) moege(n) doen Ende soe wes bij de(n) eene(n) vande(n) voirs(creven) gemech/ tichden oft oec gesubstituerde(n) in des voirs(creven) steet begonne(n) sal zijn te/ vorderen oft te doene dat dat dande(re) va(n) hen sele(n) oft sal moege(n)/ ov(er)neme(n) en(de) ten eynde uut leyden en(de) vuere(n) ind(er) mate(n) oft hij/ oft zij dat selve inne gesteken oft bego(n)ne(n) hadde(n) oft hadde Geloven(de)/ in meliori for(ma) ut dec(embris) xiii p(re)ce(den)[ti]