It(em) jouffr(ouwe) ka(tlij)[ne] va(n) ossenbroec weduwe mychiels wilen van/ potsuynsberghe in p(rese)ncia heeft gekint en(de) gelijt gehave(n) te/ hebbe(n) en(de) ontfangen vande(n) erve en(de) erfgename(n) vrou katlijne(n)/ wilen ts(er)sanders weduwe jonch(e)r henricx wile(n) van rotselair/ he(re) t(er) roost moeye der voirs(creven) jouffr(ouwe) ka(tlij)[ne(n)] va(n) ossenbroec en(de) dat/ bij handen jorijs drabbe van ghind de so(m)me va(n) xx l(i)b(ra) gr(oten) vlemsch(er)/ mu(n)te(n) als voir de geheele en(de) volle betalinge vand(er) huwelik(er)/ vorw(er)de(n) ghifte(n) en(de) gelofte(n) die de voirs(creven) wile(n) jonch(e)r henr(ic)/ en(de) zijne geselli(n)ne voirs(creven) voirtijts d(er) selv(er) jouff(rouwe) ka(tlij)[ne(n)] va(n) osse(n)br(oec)/ met mych(iel) wile(n) va(n) potsuynsb(er)ge gedaen en(de) toegeseecht hadden/ Bekinnen(de) hue(r) vand(er) selver huwelik(er) vorwerde(n) en(de) al des d(aer)/ aen cleeft met des voirs(creven) steet volcomelijc v(er)nuecht ende wel/ betaelt scelden(de) de voirs(creven) jouff(rouwe) ka(tlij)[ne] va(n) ossenbroec va(n) al/ des voirs(creven) is en(de) dat zij namaels te(n) ocsuyne d(er) voirs(creven) huweliker/ vorwerde(n) eyssche(n) soude moege(n) volcomel(ic) q(ui)te de(n) voirs(creven) jonch(er)/ henr(ic) zijnre medegeselli(n)ne hue(re)n goede(n) oir en(de) erfgename(n) en(de)/ alle ande(re) dien dit aengaen mach in e(n)nig(er) maniere(n) Geloven(de)/ de selve h(er) om ne(m)m(er)meer te eyssche(n) te vexere(n) te moeye(n) noch e(n)nige/ aensprake te doene bij hue(r) selve(n) noch bij nyeman(de) and(er)s in gheene(n)/ rechte gheestelijc noch weerlijc mair va(n) desen jege(n) eene(n)yegelike(n)/ goet gerecht warand te zijne en(de) te blive(n) tot ewige(n) dage(n) cor(am)/ couck(eroul) oud(erogghe) m(ar)cii septi(m)a