It(em) jan lambrechts sone wile(n) cornel(ijs) mag(ri)ete van haeght sijn wijf/ ende jan lambrechts hue(r) sone in p(rese)ncia hebben geloift indivisim/ he(re)n janne tyrion prieste(r) en(de) joese becke(re) als p(ro)cur(eur)s en(de) rintmeesters/ des abts en(de) (con)ve(n)ts van p(er)cke tot behoif vande(n) selve(n) dat zij alle/ die vruchte(n) die ten oeghste naestcomen(de) comen sulle(n) vanden/ lande dat de voirs(creven) gehuysschen vanden voirs(creven) goidshuyse houdende/ sijn en(de) bevrucht hebben oft bevruchten sullen moighen teghen den oeghst/ naestcomen(de) bringhen sullen oft eyntelic geheel en(de) al doen legghen inde/ schue(r) wout(er)s wilen vos die metten gronde dair die op steet den/ voirs(creven) goidshuyse voirmaels v(er)pant es om aende selve vruchten/ te verhalen co(m)merloes ten naesten tide alsulken resten van hondert/ en(de) achtien mudden rocx d(er) mate(n) van loeven(en) goet en(de) paybel die als/ de vors(creven) gehuyssche(n) sculdich sijn te leve(re)n te loeven(en) oft te percke/ den voirs(creven) goidshuyse [opden dach van heden] van ghevallend(er) schout Ende tsurplus/ dat daer meer wae(re) van grane oft stroe hebben beide de voirscr(even)/ p(ar)tien geconsenteert te weten(e) de voirs(creven) p(ro)cur(eur)s van weghen als/ bove(n) dat den voirs(creven) janne lambrechts den sone andriese kerckast(er)/ arnde goessens smet en(de) janne pickoes wijng(ar)de(r) vand(er) banc in/ handen comen sal om dair met te betalen pete(re)n beyart alsulken/ so(m)men van grane als hier na bescreve(n) staet [die de selve pet(er) den vors(creven) ja(n)ne geleent heeft] Behalve(n) dat den/ vors(creven) gehuysschen aende voirs(creven) hond(er)t en(de) achtien mudden corens/ tafslaghe comen sal wes jan vand(er) mo(n)nict van weghen d(er) selver/ gehuyssche(n) van desen daghe voir taen den voirs(creven) goidshuyse leve(re)n/ sal en(de) alsulke(n) tweelf mudden corens als de voirs(creven) jan vander
//
mo(n)nict seeght inden name vanden voirs(creven) gehuyssche(n) den voirs(creven) goidshuyse/ gelev(er)t te hebben te loeven(en) eenen vleeschouwe(r) te loeven(en) zoe wa(n)neer/ dat de voirs(creven) jan vand(er) mo(n)nict bewijssenesse gedaen sal hebben vand(en)/ selve(n) tweelf mudden en(de) dat die den selven goidshuyse te profite/ sijn gecomen Voirt hebben die voirs(creven) gehuysschen hue(r) sone en(de) andries/ geloift dat zij ten naesten jae(re) alle de voirs(creven) lande die zij vanden/ voirs(creven) goidshuyse houden(de) zijn wel en(de) loflic besaeyen sullen gelic die/ behoe(re)n en(de) als reengenoete(n) in meerd(er) vesticheit vand(en) pachte die/ den voirs(creven) goidshuyse voirt aende selve gehuyssche(n) s(in)t andries/ messe naestcomen(de) verschijnen sal Behalve(n) oic den voirs(creven) janne/ lambrechts den vader zijn actie van sijne(n) tabbart laken(en) elc van/ vijf ellen wollens lakens van xii jae(re)n diemen oic afcortten sal/ aende hond(er)t en(de) achtien mudden corens vors(creven) soe wanneer men/ bevynt met wettig(er) wairheit dat dabt die sculdich es de(n) selve(n)/ janne cor(am) lye(mingh)[en] witte m(ar)cii xi ix