Item gheert meydoghen geheten van lijshem willem van ekelhoven/ sone wilen jans en(de) gort ty(m)merman geheten de gelaesmake(re) alle/ van thienen hebben gelooft ongesund(er)t janne m(ar)cels woenen(de)/ te loven(en) tusschen dit en(de) den thiensten dach van decembri naestc(omende)/ aftelegghen aen janne de pape alsulken thien guld(en) leeuwe/ lijftochten staen(de) te(n) live des vors(creven) jans de pape en(de) jacops vande(n) breyne/ gelijc scepen(en) brieve(n) va(n) lov(en) d(air) op gemaect vand(er) daet xiiii[c] lxi dec(embris) x/ uutwisen en(de) den vors(creven) janne m(ar)cels d(air)af te lossen en(de) zijn goede also/ dat hem genoech zij Hebben vort gelooft dat zij dat selve ende/ met hen gheert meydoghen robberts zone henric va(n) lijshem/ zone wilen gorts reyne(r) vanden poele geheten de raymakere/ en(de) meest(er) anthonijs meydoghen brued(er) des vors(creven) gheerts den/ vors(creven) janne m(ar)cels doen sullen bynnen viii dagen naestcomen(de)/ voir de wet van thienen ende elcke geloofte op eene(n) banduyn/ van eene(n) nobel tons gened(ichs) he(ren) behoeff cock(eroul) oud(erogghe) m(ar)cii xxi