Item gielijs vand(er) stoct sone jans wilen vand(er) stoct na(tura)lis in p(rese)ncia/ heeft geconsenteert en(de) gewillecort dat vanden pe(n)ninghen/ hem toebehoe(re)nde die comen zijn vanden vier mudden rox/ erfpachts die de vors(creven) gielis hadde opde goede jans/ wilen vand(er) stoct van ganspoele oudevader des vors(creven) gielis/ te rotselair en(de) dair omtrent gelegen die janne vand(er)/ stoct brued(er) en(de) arnde de coste(re) sijnd(er) suster sone [des vors(creven) gielis] in deylingen/ gevallen zijn Welcke vier mudde rox arnoldus kyp secret(aris)/ d(er) stat van loven(en) teghen den vors(creven) gielijs gecregen heeft/ genomen en(de) afgetoghen sullen worden achten(de)twintich gul(den)
//
rijders te xxv(½) st(uvers) tstuc en(de) datmen dair met copen sal twee/ rijd(er)s oft ii mudden corens lijfpensien ten live des vors(creven) giel(ijs)/ en(de) sijns wijfs dair inne dat katlijne moed(er) des vorscr(even) giel(ijs)/ hue(r) heffen hebben sal also lange als zij leeft en(de) na huer/ doot sullen die den vors(creven) gielise en(de) zijnen wijve volghen/ en(de) dand(er) acht rijders sullen volghen d(er) vors(creven) weduwe(n)/ der moed(er) Mits dien heeft de selve katlijne overgegeve(n)/ en(de) geconsenteert dat zij te vreden is vanden derdendeele/ van xi hollan(schen) guld(en) die zij te huer(er) tocht hadde op de geheele/ goede des vors(creven) wilen jans vand(er) stoct van ganspoele also/ dat zij vortaen vanden selven tocht heffen sal vanden voirs(creven)/ janne hue(re)n sone en(de) arnde de coste(re) de twe deele en(de) sal/ oic de selve katlijne den vors(creven) gielise ov(er)gheven den brief van/ eenen rijd(er) lijftochten die de selve gielis zijnd(er) moed(er) sculdich/ was cor(am) cock(eroul) ouder(ogghe) m(ar)cii xxiiii