It(em) ter meerder zekerheit en(de) in manie(re)n van vesticheid(en) en(de) pandsgewijse heeft/ de voirs(creven) symoen den voirs(creven) jacoppe met andriese van roesmeer vorste(r)/ als mette(n) he(re) gelevert en(de) in handen gesedt des hier nae volcht inde(n)/ yersten eene(n) gulden(en) halsbant wegen(de) thien oncen en(de) een halve hebben(de)/ drienvijftich lede vijftich scotelkens elc met i eend(er) peerlen It(em) noch/ drie oerde van dyamante een scildeken dyama(n)ts en(de) sesse robbijne It(em)/ eene(n) silve(re)n pot houden(de) een derdeel oft dair omtri(n)t bone(n) beneden aende(n)/ mont en(de) aende oere vergult dair af den scheel gesloten es met eenre/ spellen ende desen pot weeght vie(re)ntwintich oncen myn vijf yngelsche
//
Met vorweerden en(de) (con)dicien waert dat de voirs(creven) symoen tenig(er) tijt desen/ jairpacht langher lyet staen te betalen dan een maent nae dat de vors(creven)/ jacop dan altijt sijn p(ro)fijt doen sal moigen metten voirs(creven) panden die/ v(er)coepen en(de) tsurplus wederkee(re)n ende soe wanneer men den voirs(creven)/ jacoppe sijn pe(n)ninghe metten pachte betailt dat de voirs(creven) jacop dan/ den voirs(creven) symoene oft actie dair toe hebbende zijn voirs(creven) pande alsoe/ goet alse die voirs(creven) staen overgeve(n) ende leve(re)n sal cor(am) eisd(em)