Item wouter van overbeke die geleit is totten goeden have/ en(de) erve wouters wilen van vertrike natuerlijcx vanden/ jae(re) xiiii[c] xl opden lesten dach junii in p(rese)ncia heeft oppem/ bairlijc gelooft en(de) toegeseeght zonder zijnen last woute(re)n/ van vlaende(re)n vettewarir metten vors(creven) zijnen beleide behulp
//
en(de) assistencie zoe verre alst in hem es te doen om den vors(creven) woute(re)n/ van vlaende(re)n te mogen bliven in possessie(n) van alsulken v mudden/ corens erflijc als de selve wouter voirmaels gequeten heeft/ aen woute(re)n van vertrike wilen was de welcke willem wilen/ reers gecocht en(de) gecregen hadde teghen willem(me) van criefcourt/ op zeke(r) goede en(de) onderpande des voirs(creven) wilen willems van/ criefcourt te wave(r) en(de) dair omtrent gelegen welcke goede/ de vors(creven) wouter van vlaende(re)n nu ter tijt in handen heeft en(de)/ besitten(de) is cor(am) oppendorp m(ar)cels febr(uarii) iii