Item jan joncke(re) sone wilen peters woenen(de) toplynte(r) in p(rese)ncia heeft/ gehuert en(de) bekint dat hij gehuert heeft teghen jouffr(ouwe) yden rox/ weduwe arnts wilen vanden velde twee boend(er) beemps/ in eene(n) stucke gelegen toplynte(r) vors(creven) geheten pyliserbeempde en(de)/ een dachmale beempt d(air) voir gelegen ghelijc die selve jan/ die voirmaels gehouden heeft Te houden en(de) te hebben van/ den dach van heden eenen t(er)mijn van vi jae(re)n lanc deen na/ dand(er) zond(er) middel vervolgen(de) elx jaers dae(re)nbynnen om en(de)/ voir xx r(ijnsche) gul(den) te xx st(uvers) tstuc an(te) data(m) p(rese)nt(e)m [te weten deen helicht] tsint jacops/ messe te betalen en(de) der vors(creven) jouffr(ouwe) yden quolib(et) ass(ecutu)[m] ende/ dand(er) helicht te vastenavonde te betalen en(de) te loven(en) te leve(re)n der/ vors(creven) jouffr(ouwe) quolib(et) ass(ecutu)[m] Item es vorweerde dat de vors(creven) jan den/ vors(creven) t(er)mijn lanc due(re)nde de vors(creven) beempde bevreden sal en(de)/ de grechten vegen en(de) ryolen tsijne(n) coste behalven dat de vors(creven)/ jan tsijne(n) lesten jae(r) den vrede sal mogen afbreken cor(am) opp(endorp) langr(ode)/ febr(uarii) ix