It(em) de voirs(creven) jouffr(ouwe) ka(tlij)[ne] heeft gekint en(de) gelijdt dat zij d(er) voirs(creven) marie(n)/ huerre peeten die hue(r) lange(n) tijt wale en(de) getruwelijc gedient heeft/ en(de) bijgestaen nacht en(de) dach kinnen(de) also in hue(r) gehoude(n) te wesen [in] de/ voirs(creven) goede gegoet en(de) geerft heeft in puere(n) ghiften die taenveerde(n) en(de) te/ besitte(n) voir hue(r) hue(re)n erve(n) en(de) nacomelinge(n) en(de) hue(re)n vryen wille d(air) mede/ te doene na de doot en(de) aflivich(eit) der selver jouffr(ouwe) ka(tlij)[ne(n)] sond(er) argelist cor(am)/ eisd(em) En(de) des ande(re)n daighs te wete(n) m(ar)tii xv heeft de voirs(creven) jouffr(ouwe) ka(tlij)[ne]/ gegeve(n) en(de) bekint hue(r) geg(even) te hebbe(n) sond(er) e(n)nich recht d(air) inne te behoud(en)/ hue(r) clocke hue(r) falie en(de) een rode cha saergie om dair ane t(er) stont/ hue(r) hande te slane en(de) die bij d(er) voirs(creven) marie(n) aenv(er)t te werde(n) en(de) hue(re)n/ wille d(air) mede te doene cor(am) couck(eroul) burg(imagistro) zande langrode m(ar)tii xv