Item na dien dat bijder stat meester jan lobbe als man en(de) momboir/ jouffr(ouwe) dorotheen hertshals weduwe jans wilen rosart zijns wijfs/ dicwille versocht hadde dondueght vanden brieven dair mede/ wouter [van nethen(en) al(ia)s] vanden royele ende de zijne beseten hadden en(de) al noch/ besitten zonder wettigen tytle die goede jans wilen smachts/ die oem was der vors(creven) jouffr(ouwe) dorotheen te volghen voir den/ raide vand(er) stat ons gened(ichs) he(re)n ts(er)toghen dair die behoe(re)n gepuert/ te worden En(de) de vors(creven) stat dair op uut gesproken hadde dat/ de vors(creven) meest(er) jan voir der claernesse ende informacie der vors(creven)/ stat doen zoude soe gaff over de vors(creven) meest(er) jan der vors(creven)/ stat op heden zeke(r) pointen en(de) articlen in gescrifte om bijder/ stat gevisenteert te worden en(de) als dan geremitteert te sijne/ dair dat behorde Welcke pointen bijder vors(creven) stat overlesen/ versocht de vors(creven) meester jan de vors(creven) sake vand(er) ondoeght/ te mogen volgen voir den raide ons gened(ischs) he(re)n dair dat behoirde/ Dair op de vors(creven) gebruede(re)n van nethen(en) deden seggen dat zij/ begherden copie vanden vors(creven) ov(er)geven(en) des vors(creven) meester jans/ en(de) tot dien dat de vors(creven) meester jan onderwesen oft met/ rechte bedwongen worde vand(er) stat wegen af te laten ende/ te cesseren van alsulker vorderinghen als de vors(creven) meest(er) jan/ vortgestelt hadde inde banc te herent ten mynsten tot dat/ die sake alhier gesloten zoude zijn Dair tegen de vors(creven) meest(er)/ jan repliceerde seggen(de) dat zij gheen copie sculdich en wae(re)n/ te hebben want hij hielt dat zijn overgheven niet voirder/ en sprack noch sculdich en wae(re) verstaen te worden dan om/ tinforme(re)n de vors(creven) stat vander gelegenth(eit) der ondueght om/ die te volgen ter plaetsen als voir ende als vander vorderinge(n)/ bijden vors(creven) meest(er) janne te herent gedaen hielt hij dat hij van/ dier niet sculdich en wae(re) te cesseren want diverse saken wae(re)n/ en(de) der saken alhier niet aen en cleefde Was getermijneert/ en(de) uutgesproken bijder vors(creven) stat dat de vors(creven) gebruede(re)n hebben/ soude copie en(de) dach van verantweerden en(de) dat de sake te / herent bijden vors(creven) meest(er) janne ingestelt bliven sal in state/ tot dat die sake alhier sal zijn gesleten Actum in pleno consilio/ p(rese)nt(ibus) borch cock(eroul) burgim(a)g(ist)ris m(ar)t et plurib(us) aliis m(ar)tii secunda