Item de voirs(creven) gielis van colen in deen zijde ende augustijn van colen/ zijn brueder vanden nabedde te voren uut jans van colen zijns/ vaders broode met behoirliker manie(re)n gedaen in dand(er) in p(rese)ncia/ hebben gekint ende gelijdt oppembairlic dat zij van malcande(re)n/ goede wettige en(de) rechtverdighe deylinge gehadt hebben van alle/ den vliegen(de) erve dat hen beiden verstorven mach zijn na en(de) vand(er)/ doot m(ar)grieten wilen van colen hue(re)r beider suster die getruwet/ hadde janne wilen de coste(re) sone lambrechts [wilen] de coste(re) bekynnen(de)/ hen deen vanden ande(re)n in dien volcomentlic genoech gedaen Geloven(de)/ deen den ande(re)n d(air) af ny(m)mermeer aentespreken in gheenen rechte gheestelic/ noch weerlic bij he(n) selven oft yeman(de) and(er)s in gheend(er) wijs eisd(em)