Item den vors(creven) brief vanden renten sal bliven ond(er) scepen(en) te dier/ meyni(n)gen want de betalinge der selver renten mede/ steet op den vors(creven) ph(ilip)s natuerlic wart also dat de selve ph(ilip)s/ oft zijn nacomelinghe he(re)n vand(er) horst namaels e(n)nighen/ last gecregen vanden derdendeele van c guld(en) tsjaers/ vormaels inder lossinghen tusschen de vors(creven) drie dochte(re)n/ amelrijcx wilen bote op de goede vander horst besedt/ te weten(e) dat tderdendeel dat jouffr(ouwe) dorotheen van scoen/ hoven die wijf was jans wilen van voelne toebehoerde/ dat dan de vors(creven) ph(ilip)s en(de) sijn nacomelinghe he(re)n vander/ horst in alle der vuegen en(de) manie(re)n et dese rente aenverden/ souden behouden en(de) te henwert trecken met meer andere/ goeden en(de) renten hen hier voir verbonden en(de) verpant in/ alle der manie(re)n dand(er) goede aen hen verbonden staen tot/ aen d(er)re tijt toe dat hen alleene allen dien last die zij/ dair af hadden oft leden oft gescapen wae(re)n te hebben oft te/ lijden met rechte afgedaen en(de) geheelijc afgestelt soude/ wesen al en hadd(en) hij oft zij dien last alnoch met rechte/ niet verloren mair den vors(creven) ph(ilips)e oft zijn nacomelinge/ hier af te bynnen oft versekert zijnde sal de vors(creven) rente/ den ande(re)n inden vors(creven) brieve genoempt volcomentlijck/ volghen al nad(er) natue(re)n en(de) condicien d(er) selver brieve/ oft de vors(creven) ph(ilip)s oft zijn nacomelinge d(aer) inne niet/ geruert en wae(re)n Ende oft de vors(creven) renten worden/ afgeleeght oft op pande besedt dwelc de vors(creven) ph(ilip)s/ also wale als dande(r) p(ar)tien vors(creven) met rechte sal mogen/ versueken alst hem goed dunct oft de borghen te cranc
//
mochten vallen dan salmen die guedinghe(n) die d(aer) af gedaen/ sullen worden in alle manie(re)n doen als hier gevorweert is/ en(de) oic de pe(n)ninghe vand(er) vors(creven) afquitingen comen(de) bij consente/ des vors(creven) ph(ilip)s oft sijnder nacomelingen weder aenleggen/ op goede borghen oft onderpande ter geliker natue(re)n sonder/ argelist eisd(em)