Item na dat (christ)ine weduwe arnts wilen robbijns en(de) gielis goffart/ geheten loeste hen voir scepen(en) van loven(en) gesubmitteert hadden/ opden xiii dach junii lestleden in segghe(re)n en(de) de vors(creven) gielijs boven/ dien der selver (christ)inen meynde te betrecken inden hof terckene(n)/ om d(er) saken wille inde selve submissie begrepen op beide de/ vors(creven) p(ar)tien comen op heden bij enighe vand(en) raide d(air) de selve/ bij de burg(er)meest(er)s en(de) e(n)nighe vanden raide dair de selve (christ)ine/ opponeerde en(de) meynde dat zij nergerens eld(er) dan alhier/ om d(er) selver saken na begrijp d(er) vors(creven) submissien betoghen en/ soude wordden mair dat de seggers dair met vortvae(re)n/ souden dair af de vors(creven) gielis hielt de contarie met vele/ worden bij hem gealligeert Aldair bijden selven uutgesproken/ wert dat elc vanden selven p(ar)tien hem also sterc maken/ soude dat hue(re) seggers gereet zullen zijn om op morghen/ metter saken vort te vae(re)n oft die als dan te bringhen also die/ voir hen com(en) is voir den raide vand(er) stat om dair inne/ get(er)mijneert te worden also behoe(re)n sal En(de) inden gevalle oft/ de selve (christ)ine hue(r) met hue(re)n seggers niet gereedt en/ ghave dat zij dan den cost des vors(creven) gielijs van morgen/ betalen zoude p(rese)nt(ibus) borch cock(eroul) burgim(a)g(ist)ris berghen zeghe(re) (con)siliar(ius)/ julii iii