Item jan baecx die metter stat brieve bescreven hadde als/ porte(r) van deser stat de kynde(re) kopersmets die hem onge/ bruyc deden also hij seide aen div(er)se vruchten opt velt liggen(de)/ d(aer) af den dach van rechte op heden diende inde banc/ voir meye(r) en(de) scepen(en) van loven(en) Hebben malcande(re)n/ jan baecx ter eend(er) gheert de smet van leefdale en(de)/ baudewijn copersmet oem d(er) vors(creven) kynde(re)n gelooft ende/ toegeseeght dat zij de selve sake ten eynde uut/ vorde(re)n sulle(n) voir den raide van des(er) stat en(de) wes/ d(aer) af uutgesproken sal worden goet en(de) vast te houden/ abs(oloens) zande aug(usti) xx