Item want de vors(creven) jan de smet alle de vors(creven) gelooften gedaen heeft voir den/ vors(creven) janne bogart soe hebben de selve jan bogart en(de) jan zijn sone/ prius emancip(atus) oppembairlic gelooft gesekert en(de) ten heyligen gesworen/ met opgerecten vynge(re)n den selven janne de smet dat zij de voirscr(even)/ vesticheit den vors(creven) willem(me) wittebolle vanden ii(½) pet(er)s lijfpensien/ gelijc vors(creven) steet doen sullen ten lanxsten tusschen dit en(de) sondach savons/ naestcomen(de) en(de) de vors(creven) ydeken dair toe vervaen dat zijse niet doen/ sal also dat de selve jan de smet d(aer) af onthaven ongeschadicht en(de)/ ombelast bliven sal Ende dae(re)nboven hebben zij geconsenteert gelooft/ en(de) gesworen als boven dat zij den selven janne de smet voir de/ lossinge en(de) verhalinge d(er) vors(creven) xv pet(er)s sullen in handen laten om te/ aenverden en(de) op[te]heffen tot zijne(n) wille alle de renten proffiten opcomi(n)ge(n)/ en(de) vervallen van hue(re)n goeden hoedanich die zijn wair die gelegen/ sijn oft hoeze genoempt mogen wesen en(de) de vors(creven) ydeken d(aer) inne hebbe(n)/ dat zij tselve oic ter manessen desselfs jans de smet doen sal zoe/ lange en(de) tot d(er)re tijt toe dat de selve jan de smet de selve xv/ peters met allen den lasten die hij dair om e(n)nichsins hebben sal / moghen en(de) oic alle ande(re) lasten die hij vanden selven janne bogart/ hebben mochte dair aen verhaelt sal hebben Ende hebben vort geloft/ als voir dat zij de vors(creven) guedinghe en(de) vestich(eit) voir de vors(creven) ii(½) pet(er)s/ lijfpensien doen zullen op alsulken condicie wart tsake dat den vors(creven)/ onderpant d(aer) voir bleef liggen(de) also dat de selve lijfpensie niet betaelt/ en wordde dat dan de vors(creven) willem wittebolle oft actie vand(en) voirscr(even)/ lijftocht hebben(de) zoe verre der banc recht dat vermach donderpande/ der selver dair voir uutdagen en(de) wynnen sullen mogen tot eeuwege(n)/ daghen niet tegenstaen(de) dat lijfrent(en) is p(resen)t(ibus) mat(heus) colcx forestario roel(ofs)/ naus(nijdere) scabinis aprilis v