Allen den ghenen die dese l(ette)ren selen sien oft hoire(n) lesen burgher/ meeste(re)n scepen(en) en(de) raid der stad van loeven(en) saluit doen te weten/ dat opten dach datum van desen voir ons comen is in p(ro)pren p(er)sone/ laureys van wynge ingeseten poirte(r) der stad van loeven(en) en(de) heeft/ geconstituert gesedt ende volcomen macht p(ro)curacie en(de) auctoriteyt/ gegeven sonder e(n)nich wed(er)roepen he(re)n anthonis van warna(n)t prieste(r)/ wouteren gheens gehete(n) stas en de tybout steenweechs beyde diene(re)n/ der stad van loeven(en) oft den eene(n) van hen bringe(r) sbriefs alle alsulken/ saken ende questien als de voirs(creven) laureys van wynge uutstaende heeft/ oft namaels hebben soude moegen voir wat gerichte gheestelijc/ ende weerlic dat dat zijn oft gescien mochte Alle zijn jaergulden/ opcomingen ende v(er)vallen alle zijn goede beruerlike en(de) onberuerlike/ chisen renten erfpachte(n) als hij heeft ende namaels hem vallen sele(n)/ inden lande van brabant oft elde(r) te wat plaetsen dat hij die/ uutstaende heeft ende men hem die sculdich is oft namaels wesen/ sal in gheenig(er) maniere(n) Ende principalike alsulke(n) acht mudde/ rocx ende drie mudde tarwen alse godfrin dorbaix ende gheert/ vanden vekene den selven laureys erflic sculdich ende belanc zijn/ met scepen(en) brieven van nethene(n) met allen acht(er)stelle gevalle(n)/ ende verschene(n) ende alnoch te vallen en(de) te verschijne(n) te v(er)ware(n)/ te manen teysschen op te buere(n) ende tontfangen tege(n) oft aen wat/ p(er)sone(n) oft oec te wat plaetsen dat dat zijn mach dair voe(r) te/ panden te dage(n) te beleyden trastemente te doen legge(n) die met rechte/ texeq(ue)ren te vervolgen ende te vorderen na costume en(de) gewoente van/ den plaetsen dair dat behoire(n) en(de) behoeve(n) soude moegen Ende op/ dats noot geboirde met rechte te v(er)antwerden te bescudden te bedinge(n)/ te wynne(n) te verliesen composicie en(de) mynlike yffeni(n)ge d(aer) af te maken/ den sculders van dat zij en(de) elc va(n) hen ontfange(n) sal te q(ui)tere(n) volco/ men quit(ancie) d(aer) af te gheven donberuerlike goede des voirs(creven) laureys/ te hantplichte(n) te v(er)pachte(n) te v(er)huere(n) en(de) met jaerschare(n) uut te geven(e)/ en(de) g(e)n(er)alijc en(de) specialijc d(aer) inne te doene en(de) te vordere(n) allet des bij/ den voirs(creven) geconstituerden oft den eene(n) van hen gelijc oft de voirscr(even)/ laureys telken plaetsen jegewoirdich en(de) voir oeghen ware dair/ inne gedaen ende gevordert soude moegen werden Gelovende/ de voirs(creven) laureys vast gestentich ende van werden te houden (et)c(etera)/ et q(uod) p(ro)cu(rato)res facie(n)t (com)putu(m) et assig(naci)[o(n)e] de fact(orum) et recept(ionem) junii viii