Allen den ghene(n) die dese l(ette)ren selen sien oft hoire(n) lesen en(de) bezund(er)/ dien scouth(eit) burg(er)meest(ere)n scepen(en) en(de) raid der stad va(n) loev(en) saluit/ dordrecht in zuyt hollant en(de) vande(n) lande van breda [ons(en) gemi(n)d(en) vriend(en)] doen/ cond ende kinlijc dat voir ons come(n) is in p(ro)pre(n) p(er)sone her jan/ van oesterzeele sone wilen willems priester En(de) heeft volcomel(ic)/ gemechticht p(ro)curacie en(de) auc(tori)teyt gegeve(n) tot zijne(n) wed(er)roepen willem(me)/ janssone ende clase vande(n) berghe ingeseten poirte(r) der stad va(n)/ loeven(en) oft den eene(n) van hen bringe(r) sbriefs Om in pechtinge(n)/ ende jaerschare(n) uut te gheve(n) eene(n) t(er)mijn va(n) nege(n) jare(n) lang beghi(n)nen(de)/ tsinte pet(er)s dage iii zille naestcomen(de) alsulken xii marghe(n) lants/ luttel min oft meer als de voirs(creven) her jan liggende heeft inden/ ambacht van blaeskengrave in zuythollant voirs(creven) En(de) oec insgelijcx/ uut te geven alsulken bempde en(de) ande(re) goede als de voirs(creven) h(er) jan/ heeft liggende inde(n) voirs(creven) lande van breda den tijt en(de) t(er)mijn/ van drie oft sesse jaren lang ingaende te sinte pet(er)s misse voirs(creven)/ vander selver hueringe(n) oft pechtinge(n) ter plaetsen dair dat be/ hoiren sal ende behoeven volcome(n) vesticheit den wynne(n) te doene/ de jaerlike gulde(n) dair af en(de) alle acht(er)stellige pachte(n) vande(n) selve(n)/ en(de) oic alle ande(re) chise en(de) rente(n) de(n) selve(n) h(ere)n janne in e(n)nige(n) plaetse(n)/ binne(n) de(n) lande va(n) brabant en(de) zuythollant v(er)schene(n) en(de) te v(er)schijne(n)/ te eyssche(n) te heffe(n) op te buere(n) en(de) tontfange(n) de(n) sculde(re)n van hue(re)n/ ontfange volcome(n) quitancie te quite(re) gheve(n) en(de) quite te schelden
//
Ende voirtane g(e)n(er)alijc en(de) specialijc dair inne te doene en(de) te vorde(re)n/ allet des de voirs(creven) h(er) jan in zijne(n) p(er)sone doen en(de) vordere(n) soude/ moege(n) Geloven(de) de voirs(creven) h(er) jan in goede(n) trouwe(n) voir goet/ vaste en(de) gestentich te houde(n) soe wes bij de(n) voirs(creven) willem(me) en(de)/ clase oft den eene(n) van hen bringe(r) sbriefs in desen gedaen en(de)/ voirtgekeert sal werden Behoudelijc dat de voirs(creven) gemechtichde/ altijt van hue(re)n bewynde en(de) vorderinge(n) in desen gehoude(n) sele(n)/ zijn volcome(n) rekeni(n)ge en(de) bewijs te doene des torconde(n) hebbe(n)/ wij burg(er)meest(ere)n scepen(en) en(de) raid d(er) stad va(n) loeven(en) voirs(creven) de(n) segel te(r)/ sake(n) d(er) selver stad h(ier) op doen drucke(n) de(n) xxiiii[te(n)] dach in dece(m)bri