Allen den ghene(n) die dese l(ette)ren selen sien oft hoire(n) lesen ende/ bezund(er) den eerwerd(igen) edele(n) en(de) wisen he(re)n onsen lieve(n) gemind(en)/ vrienden cancell(ie)r en(de) ande(re)n vande(n) edele(n) rade ons liefs gened(ichs)/ he(re)n tsh(er)toge(n) geordin(er)t in zijne(n) lande van brabant burg(er)meeste(re)n/ scepen(en) en(de) raid der stad van loeven(en) saluit en(de) allen vrienscap/ Doen cond en(de) te wete(n) dat op den dach datu(m) van desen voir ons/ comen is in p(ro)pren p(er)sone henric boelart [sone wile(n) wouters] ende heeft mechtich/ gemaect geconstituert gesedt en(de) volcome(n) macht p(ro)curacie en(de) auc(tori)teyt/ gegeve(n)[arnold(e) kyp] gerarde va(n) bauss(ele) [beyde] sec(re)t(aris) d(er) stad van loeven(en) arnolde(n) vand(er)/ strate(n) janne de beyere [ende] gielise vanden ynde oft den eene(n) va(n) hen bri(n)ge(r)/ sbriefs alle alsulken saken en(de) questie(n) als de voirs(creven) henr(ic) boelart/ uutstaende heeft te doen en(de) te vorde(re)n sal hebben jege(n) zeke(r) p(er)sone(n)/ Inde(n) yerste(n) alse va(n) twee rijd(er)s lijftochte(n) op de weduwe s(er)vaes wile(n)/ de cuype(re) [woenen(de) te nederlynt(er)] It(em) van eene(n) rijd(er) lijftochte(n) op de weduwe gielijs wilen/ mottemans onder de(n) meye(r) van halen oft zijne(n) stedehoud(er) taetrode/ ende va(n) ii rijd(er)s lijftochten op de weduwe henr(ix) wilen welkarts/ des jonge(n) ond(er) de(n) meye(r) vand(er) ghete(n) oft zijne(n) stedehoud(er) te/ wolmershem woenachtig voir de gelijc zeke(r) scepen(en) br(ieven) va(n) loeven(en)/ dat volcomelijc inhoude(n) en(de) begripen Voir de voirs(creven) eerwerdige/ edele en(de) wise he(re)n canceli(e)r en(de) rade voirs(creven) te beleyde(n) te bedinge(n)/ te exeq(ue)ren te bedinge(n) te wynne(n) te v(er)liesen mynlike composicie/ d(aer) af te maken volcome(lijc) quitan(cie) d(aer) af te gheven En(de) voirtane/ g(e)n(er)alijc en(de) specialijc allet tgene d(aer) inne te doene en(de) te vordere(n)/ des de selve henr(ic) boelard soude moege(n) doen en(de) vorde(re)n waert/ dat hij jegenwoirdich ende voir oeghe(n) ware Geloven(de) voir ons/ in goeden trouwe de voirs(creven) henr(ic) boelart vort vaste gestentich en(de)/ van weerden te houden alle tgene des bijde(n) voirs(creven) p(ro)cu(reur)s oft de(n)/ eene(n) van hen in desen gedaen en(de) gevordert sal worden in e(n)niger/ maniere(n) Des torconde(n) hebbe(n) wij borg(er)meeste(re)n scepen(en) en(de) raid d(er)/ stad va(n) loeven(en) voirs(creven) den zeghel te(r) sake(n) der selv(er) stad hier aen/ doen hange(n) dec(embris) ult(ima)