Item want dese vors(creven) schout compt spruyten(de) uut saken vand(er) hueringe(n)/ vander ca(m)men geheten den hont neve(n) sint jacops kerchoff die de/ vors(creven) jan van lare tegen den vors(creven) henr(icke) gehuert heeft d(aer) af de/ hue(r) noch duert tot van sint jansmesse naestcomen(de) over een jair/ Soe es vorweerde dat de vors(creven) drie p(er)sone en(de) een yegelic va(n)/ hen hue(r) beste proeve(n) sullen om die voorts te verhueren den/ vors(creven) t(er)mijn uut d(aer) af dat de vors(creven) jan potent des vors(creven) jans/ borghe de proffiten d(aer) af comen(de) trecken sal totter borchtocht/ behoef vors(creven) En(de) heeft de vors(creven) henr(ic) vort geloft de selve ca(m)me/ ter stont redelijc te doen repareren en(de) maken des dair/ aen gebrect tsijnen coste eisd(em)