Cont zij allen lieden dat arnt vanden hoevelde sone willems/ vanden hoevele in p(rese)ncia heeft gehuert tegen janne boxhoren en(de)/ janne meest(er) jans als mo(m)bore vanden wittigen kynde(re)n henricx wilen/ meester jans Eeen eeusel gelegen binswijc tusschen den goeden/ willems van e(re)nboudeghem en(de) den goeden der firmarien vanden/ beghinhove bynne(n) lov(en) Te houden en(de) te hebben vanhalff/ merte lestleden eenen t(er)mijn van ix jae(re)n lanc Elx jairs/ om vii rijd(er)s te xxv st(uvers) tstuc jairlix tsinte mertensmesse te/ betalen oft ombegrepen te kersmesse te betalen Te weten(e) deen/ helicht den vors(creven) janne en(de) dander helicht den vors(creven) janne meest(er)/ jans tot behoef vand(en) kynde(re)n quolib(et) ass(ecutu)[m] En(de) is vorweerde/ dat de vors(creven) arnt tvoirs(creven) eeusel bevreden sal op zijnen cost/ en(de) den loec d(aer) toe behoeven(en) sal hij opt vors(creven) eeusel truncke(n)/ ter mynster schaden dair men hem dien ald(aer) bewisen sal Item sal/ de selve arnt de straten en(de) waterloop tegen tvors(creven) eeusel/ liggen(de) als men die gebiedt te maken en(de) te vegen moeten/ maken [en(de) vegen] op zijne(n) cost bij also dathij thout datme(n) d(aer) soe v(er)orbe(re)n/ sal sal neme(n) op tselve eeusel Item wairt also dat dair/ e(n)nighe willigen verdroeghd(en) die mach de vors(creven) arnt afhouwe(n)/ en(de) voir elke sal hij moeten setten ii leven(de) poeten vanden/ selven arde En(de) dese vorwerd(en) col(onia) cock(eroul) m(ar)tii xxvi